فيتنس ايجبت : تمارين حرق الدهون

تمارين حرق الدهون في البيت : سهل انك تقدري تحرقي دهون الجسم وتعملي شيب ممتاز في البيت اذا كانت مشكلتك هي تجمع الدهون في اي منطقه من مناطق جسمك علي عكس اكتساب العلات فهو مش مستحيل ولكنه اصعب من حرق الدهون لانه بيحتاج الي اوزان وضغط علي العضلات , ودا اللي هنوضحه في الفيديو دا ببساطه
-
تمارين الكارديو مش محتاجه جيم ونقدر نعملها في البيت بمنتهي السهوله ودي تمارين نقدر نتمرنها في البيت بشكل يومي لانها لا تحتاج الي مدة طويله في مرحلة الاستشفاء تمارين الكارديو ممكن نثبتها في يومنا بشكل ثابت , لكن مهم جدا اننا نتمرن بشكل مخفف في البدايه وحسب قدرتنا الشخصيه وعشان كدا مش هحدد لكم وقت معين لتمارين الكارديو , لكن هقول لكم علي انواع مختلفه منها ممكن نطبقها في البيت بسهوله وانتي تختاري المناسب ليكي واللي بتحبيه وتطبقيه خلال يومك - اولا رقص الزومبا ودي غنيه عن التعريف وممكن تطبقيها لمدة 5 دقايق او 10 دقايق حسب قدرتك ولياقتك البدنيه - ثانيا تمرين نط الحبل وهو من تمارين الكارديو الفعاله جدا وليها مفعول سحر في حرق الدهون وزيادة ضربات القلب وبالتالي استهلاك سعرات حراريه اعلي - ثالثا الجري في المكان وهو تمرين بسيط جدا ونقدر نعمله باكتر من شكل ونطبقه في البيت خاصة المبتدئات في الفيتنيس ونقدر نتمرنه مده اطول لانه مريح الي حد ما وسهل - وفي نهاية جزء الكارديو انصحك فقط بااختيار الاسهل ليكي واللي تقدري تستمري عليه مده طويله دون ملل وممكن التغيير في عامة في تمارين الكارديو ولكنها في النهايه ليها تاثير واحد واهم هدف منها هو انك تعلي من لياقتك البدنيه وتستهلكي الكتير من ال سعرات حراريه - الجزء الثاني وهو تمارين المقاومه في المنزل وتقدري تطبقيها بمنتهي البساطه باستخدام ادوات بسيطه زي الدمبلز والبار ولو مش موجودين فتقدري تستخدمي ازايز ميه مليانه او ممكن تمليها رمل او اي ماده وزنها تقيل وهتقدري برضو تطبقي تمارين المقاومه - تنبيه بسيط للناس المهتمه فقط بتمارين الكارديو وبتتجاهل تمارين المقاومه , اهمية تمارين المقاومه مختلفه تماما عن اهمية تمارين الكارديو ف زي ماقلت في جزء الكارديو الهدف الاساسي من الكارديو هو استهلاك سعرات حراريه ورفع اللياقه البدنيه لمستوي اعلي لكنها في المجمل تمارين غير كافيه لاعطاء الجسم الشكل المثالي ورسم الكيرفات ومنحنيات للجسم , اما تمارين المقاومه فلا غني عنها ابدا لانها بتشد الجلد وبتقضي علي السيلوليت وبتشد الترهلات وبتدي الجسم الرسمه او الشيب اللي كلنا بنسعي اليها واللي بنسميها كيرفي ودا عن طريق ان لما نلعب عضله معينه باوزان بيحصل لها تفتيت وهنا بيبدأ الجسم في بناء الخلايا العضليه مره تانيه ولكن بشكل افضل واكبر فيظهر الجسم منحوت زي مابتشوفوه في الصور والفيديوهات - فالافضل ان نجمع بين النوعين من التمارين نبدأ اولا بالاستريتشات ثم بدقايق كارديو قصيره للاحماء ونتمرن مقاومه وبعد ما نخلص تمارين المقاومه نتمرن كارديو بشكل مفتوح , لحد مانتعب ودا هتشوفيه في نهاية الفيديو بشكل مفصل في اخر دقايق في الفيديو , لكن دلوقت هنتنقل للجزء الاهم من الفيديو وهو الدايت بلان او النظام الغذائي - باختصار القاعده رقم واحد في نظامك الغذائي هتكون عدد الكالوريز ولازم تكون مجمل السعرات اللي بتكليها في يومك اقل من احتياجك اليومي ولو عاوزه تعرفي احتياجك اليومي من السعرات الحراريه تقدري تدخلي علي اول تعليق تحت الفيديوا دا وهتلاقي كالوريز كالكوليتور اكتبي وزنك وطولك وسنك ونشاطك اليومي واضغطي علي احسب , وقللي 500 سعر حراري من الرقم اللي هيظهرلك فلو ظهرلك مثلا 2000 كالوري كلي خلال يومك 1500 كالوري - اما القاعده التانيه اللي لازم نطبقها في وجباتنا وهي ان الكل بتاعنا يكون من مصادر صحيه , ودي افضل مصادر الدهون اللي ممكن ناكل منها - ودي افضل مصادر البروتين الحيواني والبروتين النباتي , ودي افضل مصادر النشويات البسيطه , ودي افضل مصادر النشويات المعقده , ومتنسيش يوميا انك تاكلي خضروات ورقيه وثمرة فاكهه كمصادر للفيتامينات المختلفه , ودلوقتي اكون خلصت شرح لكيفية تطبيق خطه مميزه لحرق الدهون ونحت الجسم في البيت وماتنسيش تشتركي في القناه لو عجبك الفيديو واعملي لايك وفعلي الجرس عشان يوصلك الفيديوهات الجديده