تمارين زياده الوزن وتكبير المناطق الانثويه فى الجسم بدون زياده الدهون

لو انتي جسمك نحيف بطبيعتة ..او عملتي دايت وخلصتي مرحله التنشيف وجسمك بقى مناسب..
بس عايزه تشدي وتكبري اجزاء معينه فى جسمك...
فالفيديو دا هيكون مرجع شامل ليكي وفيه كل حاجه تخص تكبير مناطق معينه في جسمك وتخص النحافه عموما..
هكلمك عن التمارين اللى هتشد جسمك وطريقه التغذيه المناسبه عشان تبرزي مناطق الانوثه ..
وكمان هعرفك أنواع وأسباب النحافه مع علاج كل سبب
__________________
عشان تزودي وزنك بطريقه صحيه ... من غير ما تتراكم دهون مش مرغوبه فى جسمك .. دا معتمد على عاملين أساسيين.

_العامل الأول / التمرين
_العامل التاني / التغذيه

المقصود بالتمارين إللى هنتكلم عنها فى الفيديو هي تمارين المقاومه
يعنى التمارين إللى بتضغطي بيها على عضلات معينه في جسمك ... سواء الضغط دا كان بوزن جسمك أو وزن شيلاه

دلوقتي بقى هقولك على افضل التمارين إللى هتشغل عضلات جسمك كله ...ومركزه فيهم على الصدر والبطن والافخاد والأرداف.. لأن دي هيا العضلات إللى بتبين تقسيمه الجسم وبتعملك فورمه.