فيتنس ايجبت | خطه ٣٠ يوم للحصول على ساقين بدون خفسه او سليولايت مع نظام غذائي- كنتي نحيفه أو سمينه

فيديو النهارده مهم جدا لكل البنات والسيدات
سواء انتي نحيفه وعايزه تبني رجلك بشكل جذاب متقسم ومرسوم
أو انتي بتعاني من دهون زايده وسليولايت وترهل فى رجلك وخصوصا فى الافخاد.
أو حتى عندك ألم فى ركبتك
أو مشكله إلتصاق فى الفخدين
وكمان لو بتعاني من دوالي الساقين
كل دا هكلمك عنه فى الفيديو
فإستعدي معايا انك تركزي لنهايه الفيديو .. لأن كل جزء فيه حقيقي مهم جدا وفيه معلومات اول مره هقولها هنا فى القناه
____________
هقولك الاول على التمارين إللى هتعمليها خلال خطه ال ٣٠ يوم .. ودا لانه هيكون ثابت معاكي مهما كانت حالتك ومشكلتك
كمان لان التمرين هيكون هو الاساس فى تقسيم شكل رجلك وهيخليها متناسقه وجذابه .
_________
بس عشان تعملي التمارين صح وعضلات رجلك تستفاد منها بشكل كامل ... يبقي مهم اوي تعرفي ايه هيا عضلات الرجل وبتعملي التمارين دي لأي عضله منهم
دا إللى هيخليكي وانتي بتعملي التمارين توصلي العضله للهايبر تروفي أو تمزق الانسجه وبكدا هتلاقي نتيجه من التمرين بتاعك
......
فسريعا كدا هقولك على عضلات رجلك من غير ما أذكرلك اسماء معقده ومش مهمه بالنسبالك
اولا /عضلات المؤخره
ودول عباره تلات عضلات مسئولين عن تدوير وبروز المؤخره
وكمان منهم عضله ال gluteus medius ودي عضله المؤخره الجانبيه وأما بتركزي عليها بالتمرين بتخلصك من تجويف الخفسه
وطبعا هعرفك ايه هيا التمارين إللى بتركز عليها بنسبه أكبر من باقي العضلات وانا بقولك على التمارين إللى هتعمليها

ثانيا /عضلات الافخاد ودي مقسمه ل
١/عضله الفخد الاماميه
موجوده فى الجهه الاماميه اعلى الرجل..
وبتتكون من اربع رؤوس عشان كدا اسمها عضله الفخد الرباعيه
وفيها الجزء الخارجي من عضله الفخد الاماميه إللى بتقدري تضغطي عليه ببعض التمارين زي ما بتعملي فى عضله المؤخره الجانبيه ... وبتكون النتيجته انك بتقضي على تجويف الخفسه تماما.
٢/عضله الفخد الخلفيه
موجوده فى الجهه الخلفيه اعلى الرجل
وبتتكون من ثلاث رؤوس
المنطقه دي من الرجل بيظهر فيها السليولايت بنسبه كبيره .. واما بتمرني العضله دي وتقويها
بتقدري تقضي على السليولايت بنسبه كبيره جدا
والجلد بيكون مشدود فى المنقطه دي
٣/عضله الفخد الداخليه أو العضله الضامه
موجوده فى الجهه الداخليه اعلى الرجل وبتتكون من اربع رؤوس
العضله دي مسئوله عن ضم وفتح الرجل
والعضله دي أما بتمرنيها بتشدي المنطقه الداخليه من الرجل وبتتخلصي من إلتصاق الفخدين من الداخل

ثالثا/ عضلات السمانه
موجوده فى الجهه الخلفيه اسفل الرجل
وكتير بيهمولها فى التمرين
مع انها تعتبر القلب التاني فى الجسم
لانها بتساعد فى ضخ الدم من اسفل لاعلي الجسم
ودا غير انها بتحميكي من دوالي الساقين وبتقلل وجودها
وبتزيد من ثباتك على الارض

تمارين الافخاد والسمانه ضروريه جدا فى انها تقلل الحمل على مفصل الركبه
ودا بيحميكي من آلام مفصل الركبه أثناء التمرين
وبيقلل من تآكل الغضروف ومشاكل خشونه الركبه
___