فيتنس ايجبت | شد ترهلات الجسم بالكامل

هتخرجي من الفيديو دا وانتي عارفه أنواع وأسباب الترهل إللى بيحصل فى الجسم ....
وهتعرفي ازاي تعالجيها وتتخلصي منها ...
وكمان هقولك فى نهايه الفيديو على التمارين المناسبه لشد الجسم كله .. بدون استخدام أي ادوات
وبطريقه جديده وممتعه ومش بتاخد اكتر من نص ساعه تقريبا ...
_____________

👈أنواع الترهلات
الترهلات إللى بتحصل فى الجسم نوعين

🔥النوع الأول/ ترهلات دهنيه
ودي ترهلات بتكون ناتجه من زياده نسبه الدهون في الجسم
نتيجه للدهون الزايده دي بتلاقي تنيات فى الجسم
وتلاقي الجلد مدلدل ومش مشدود
زي التنيات إللى بتكون فى البطن والظهر
أو الترهل إللى بيكون فى الدراع والثدي والافخاد.

🔥النوع التاني/ ترهلات جلديه

النوع دا من الترهل بيكون عباره عن جلد خفيف وفيه كرمشه ومبيكونش تحته نسبه دهون كتيره.
والترهل دا بيظهر نتيجه انك نزلتي وزن كبير من جسمك فى وقت قصير
زي اللي بيحصل بعد الولاده
أو نتيجه اتباع دايت قاسي خسيتي فيه وزن كبير وليكن ٢٠ كيلو مثلا فى وقت قليل زي شهر تقريبا .
_____________