فيتنس ايجبت | تمارين البطن ودورها في تنحيف الكرش و شد البطن

أهميه تمارين البطن للبنات والحصول على خصر منحوت

في أي فيديو هتشوفيه او مع اي مدرب بيتكلم عن دهون البطن هيقولك كلمه واحده فى البدايه
ان البطن بتنزل بالدايت
معادله واحده غير قابله للمجادله
"تخلص من دهون بطن = دايت منخفض السعرات"

هل دا معناه ان تمارين البطن ملهاش أهميه ؟
فى الفيديو دا هقولك على اهميه تمارين البطن
واللى متأكده انك بعد ما تعرفيها
هتهتمي تعملي التمارين لأهداف كتيره أهم من انك تنزلي دهون بطنك وبس

من أهم الاسباب اللى تخليكي تضيفي تمارين البطن فى جدول تمرينك

السبب الاول / الوقاية والتخلص من ترهل البطن .

فلو انتي عندك ترهل فى البطن فعلا .. فأكيد دا ناتج عن انك عملتي دايت ونزلتي من وزنك من غير ما تعملي تمارين أثناء فتره الدايت ..
النتيجه انك بتلاقي ترهلات مش بس فى بطنك
دا كمان هيكون ترهل فى كل منطقه فى جسمك كان فيها دهون ونزلتيها من غير ما تتمرني مقاومه .

عشان تتخلصي من الترهل دا يبقي لازم تعملي تمارين مقاومه تقوي العضلات وتساعد فى ان الجلد يكون مشدود بدون ترهل

ولو انتي معندكيش ترهل وبتعملي دايت عشان تنزلي دهون بطنك .. فتمارين البطن هتكون برضه ضروري كحمايه ليكى من الترهل وطبعا للاسباب التانيه إللى هقولهالك .
______
السبب التاني / هيكون عندك كورسيه طبيعي فى جسمك .

عضلات البطن مش بس العضلات إللى بتكون ظاهره فى الموديل واللى بنسميهم الsex back
دول مجرد العضلات الخارجيه واللى بتكون تحتها عضلات بطن تانيه
زي عضله Transversus abdominis ودي عباره عن عضله كبيره محاوطه لمنطقه الوسط كله ومغطيه كمان الفقرات السفليه لعمود الفقري إللى هيا منطقه القطنيه
والعضلات دي عامله زي الكورسيه الطبيعي للجسم
وإللى بتحافظ على استقامه الجسم وشد وتماسك البطن.. وكمان حمايه فقرات القطنيه من آلام اسفل الظهر.. وضاغطه كمان على المعده فكل أما بتكون قويه ومشدود بتقلل مساحه انتفاخ المعده والاحساس بالجوع
كمان فوقها عضلات ال oblique إللى هيا العضلات الجانبيه للبطن واللى بتدي مظهر الخصر المنحوت ..

واخيرا العضلات الخارجيه للبطن إللى هيا عضلات ال rectus abdominis المعروفه بال sex backs
كل العضلات دي أما بتقويها بالتمرين وبتعملى معاها نظام غذائي يخلصك من الدهون المتراكه حواليها.. هتلاقي المظهر الجذاب للبطن

____
السبب الثالث/ التخلص من انفصال عضلات البطن والوقايه من انه يحصلك من الاساس
لما بتكون عضلات البطن ضعيفه دا بيخلي بطنك سهل جدا يحصلها انفصال فى العضلات مع زياده الوزن
وعشان كدا بتلاحظي ان كتير من البنات إللى معندهومش مشكله فى شكل بطنهم
بمجرد الحمل وبعد الولاده يبدأ يظهر الانفصال دا
واللى بيتقال عليه فتاء أو فتء السره
عشان عضلات البطن بتكون ضعيفه ومش متماسكه مع بعضها بقوه.. فأي زياده دهون مثلا أو زياده فى حجم الرحم أثناء الحمل بيضغط على العضلات ويفصل بينها ويظهر الانفصال دا ..
لو انتي عندك مشكله الانفصال دي
ففيه فيديو كامل على القناه فيه التمارين إللى ينفع تعمليها وكمان التمارين إللى لازم تتجنبيها فى الفتره
علاج الانفصال العضلي
هسيبلك رابط الفيديو فى اول كومنت عشان تشوفيه

أما لو انتي مش بتعاني من انفصال العضلات
فهتعملي تمارين البطن إللى هقولهالك فى الفيديو عشان تقوي عضلات بطنك وتحميها ان يحصلها انفصال وترهل فى المستقبل.

دول ٣ اسباب يخلوكي تغيري فكرتك عن تمارين البطن انها مجرد تمارين عشان تخلصك من دهون البطن

دلوقتي بقي هقولك على اقوي عشر تمارين هتستهدف كل عضلات البطن إللى قولتهالك فى الفيديو ..
هتعملي كل تمرين من دول من ١٥ ل٢٠ عده
وترتاحي ٣٠ ثانيه وتكرري العدات تاني اربع مجموعات.
-
التمرين الاول / ال jumping Jack plank
التمرين التاني / stomach vacuum exercise
التمرين التالت / ال plank
التمرين الرابع /تمرين ال crunches
التمرين الخامس /تمرين ال reverse crunches
التمرين السادس / flutter kicks
التمرين السابع / تمرين ال roll up
التمرين التامن / تمرين ال heel touch
التمرين التاسع / bicycle crunches