فيتنس ايجبت | ترتيب التمارين من حيث التأثير الأقوي تمارين الافخاد الاماميه والخلفيه و السمانه

ايه هي اقوي تمارين بتركز علي شد اللوار بدي او النصف الاسفل من الجسم ؟ : في الفيديو دا شرحلك ايه هي اقوي تمارين الافخاد الاماميه واقوي تمارين الافخاد الخلفيه وافضل تمارين السمانه او بطة الساق زي مابتسموها - والترتيب اللي هقوله دا بناء علي دراسات علميه مش رأي شخصي او راي ناتج عن خبره , وطبعا فيه تمارين كتيره جدا بتركز علي اللوار بدي منها تمارين باستخدام البار او الدمبلز او اجهزة الكيبل او تمارين بوزن الجسم فتركيز الفيديو هيكون بشكل عام مش تمارين منزليه او تمارين بنلعبها في الجيم - وانتي تقدري تختاري من كل مجموعه من التمارين - التمرين اللي يناسب المكان اللي بتتمرني فيه , وعشان مطولش وادخل في الموضوع علي طول فيه معلومه مهمه سريعا كدا هقولهالك عشان الصوره تكون واضحه , ترتيب التمارين دي تم باستخدام جهاز تخطيط " كهربية العضلات " جهاز اسمه Electromyography ودا ببساطه كدا بيقيس الكهربا البسيطه جدا في العضله اثناء التمرين , بيتم وضع قطبين فوق الجلد على بداية ونهاية الألياف العضلية، ويتم قياس شدة التيار الكهربي الصغير جداً عند انقباض العضلات. وكل ما انقبضت نسبة أكبر من الألياف العضلية ، كلما زاد التيار الكهربي وبالتالي العلماء قدرو يعرفو أقوى التمارين فاعلية لعزل كل عضلة. وكل تمرين بيأثر علي العضله اللي بنستهدفها بنسبة كام في الميه وهقولكم نسبة تأثير كل تمرين علي كل عضله , يلا بينا نبدأ الفيديو بس متنسيش تعملي لايك ولو اول مره تشوفي قناة فيتنس ايجبت ياريت متنسيش تشتركي في القناه وتفعلي الجرس عشان الفيديوهات الجديده توصلك