تمارين شد البطن - workout without equipment

دهون البطن والاجناب او الجوانب من اكتر الدهون المزعجة واللي بتسبب مشاكل في اختيار الملابس وكمان من اكتر الدهون المنتشرة عند ناس كتير حتى بعض الناس اللي جسمها راضية عنه لكن غالبا مش بيكونوا راضيين عن شكل البطن والجوانب والدهون اللي فيها ودة بيرجع لاسباب واخطاء كتير بتعمليها من زمان زي كثرة اكل الوجبات السريعة او الوجبات الدسمة والحلويات كل والاكل فوق احتياجك من السعرات كل دي حاجات كافية انها تعمل دهون مختلفة في الجسم خصوصا البطن والاجناب

اولا :
اول حاجة لازم تعرفي ان حتى لو جسمك مظبوط الا بطنك مش هينفع تخسسي بطنك بس وباقي جسمك لا لان الجسم لما بيتخلص من الدهون بيتخلص منها في الجسم كله ومش هينفع تستهدفي منطقة معينة

ثانيا :
بالنسبة لتمارين البطن ؟

تمارين البطن عكس ما هو شائع بين الكتير مش بتستهدف حرق دهون البطن .. هي بتستهدف العضلات نفسها وبتقويها ودة هيخليها تاخد شكل افضل لكن بعد خسارة الدهون .. كمان لعبك كل يوم لتمارين البطن هيجيب نتيجة عكسية الافضل 3 مرات اسبوعيا بينهم فترات راحة عشان يحصل الاستشفاء الكامل لعضلات البطن



ثالثا :
بعد ما عرفتي ان تمارين البطن مش هتخسس البطن بس وان البطن هتخس لما نسبة الدهون تقل في الجسم كله عموما .. ازاي اقلل نسبة دهوني ؟

نسبة دهون جسمك عشان تقل لازم تخلي اكلك صحي ويكون في نطاق سعراتك الحرارية بمعنى تعملي عجز في السعرات اللي داخلة جسمك كمثال لو احتياجك من السعرات 2000 سعر حراري في اليوم عشان تخسي هتقللي من 300 الى 600 سعر حراري لان كل 7000 الاف كالوري تفقديهم يساوي خسارة كيلو جرام من الدهون

لازم تعرفي ان كل جسم احتياجه من السعرات الحرارية والقيم الغذائية بيختلف من شخص لاخر لذلك لافضل وادق واسرع نتيجة احسبي احتياج جسمك من السعرات الحرارية من اول تعليق تحت هذا الفيديو

رابعا :
الخطوة التالية بعد بعد حساب احتياجك من السعرات هي نوع الاكل اللي تاكليه او ازاي تنظمي اكلك داخل حدود سعراتك

لازم تخلي نظامك الغذائي يكون صحي

يعني تبعدي عن البيبسي والشيبسي والحلويات والمقليات والاكل السريع واكل المطاعم لان كل دي اكلات مليانة بالدهون والسكريات وكمان مش هتديكي احساس بالشبع زي الاكل الصحي وجسمك مش هيستفاد بيها وهتزودك دهون بالتالي هتلاقي النتيجة مش كويسة وممكن يحصل ترهل وتتفاجئي بترهل بعض الاماكن في جسمك

الحل انك تاكلي بروتين اكثر وكاربوهيدرات ودهون اقل
وافضل مصادر الدهون والبروتين والكربوهيدرات موجوده في اول تعليق
-
كيفية حساب السعرات وتنظيم نظامك الغذائي موجوده في اول تعليق واي استفسار تحت هذا الفيديو سنرد علي كل التعليقات .
#تمارين_شد_البطن
#الكرش
#حرق_الدهون
#شد_الجسم
#تمارين_في_البيت
#دهون_البطن_السفليه