ما هي تمارين زيادة الوزن ؟

ماهي التمارين المناسبه لزيادة الجسم
-
الإجابه هي إن مافيش شئ اسمه تمرين لزيادة الوزن او تمرين لتخسيس الوزن
-
التمرين في موضوع الزياده او التخسيس بيختلف اختلاف مش كبير ودوره في الحالتين بيكون دور شبه أساسي بس مش هو الأساسي
-
لأنك ممكن تتمرني بشده عاليه جدا و تمارين مقاومه بانتظام وتتمرني الكارديو يوميا وبرضو جسمك يزيد
- وممكن تتمرني بشده بسيطه او يومين بس في الاسبوع وجسمك يعمل عكس ماانتي متخيله ويخس بدل مايزيد
-
طيب فهمنا ان مش التمرين هو العامل الحاسم في موضوع زيادة الوزن او تقليل الوزن
ايه هو بقي العامل الحاسم في الموضوع دا ؟
- الفكره كلها في إنك تاكلي كمية أكل أكتر من اللي جسمك بيحتاجها يوميا , عشان كدا ديما بتلاقونا في معظم فيديوهاتنا بنشرحلكم طريقة حساب السعرات الحراريه
-
والعكس برضو لو هدفك تخسي او تحرقي دهون فأنتي لازم تاكلي كمية اكل اقل من احتياج جسمك اليومي
يبقي فهمنا ان مافيش تمرين للتخسيس وتمرين للزياده خلي التمرين بقي علي جمب دلوقت وهشرحلك ايه دور التمرين وليه لازم نتمرن
أول خطوه واهم خطوه في طريق الوصول لهدفك هو انك تحددي جسمك محتاج اكل اد ايه في اليوم
ودا تقدري تعمليه ببساطه جدا من اول تعليق تحت الفيديو دا هتلاقي رابط لحساب السعرات اللي محتاجها جسمك وكمان لحساب السعرات اللي موجوده في الاكل عاملالك قايمه بكل اصناف الاكل بحيث تبقي عارفه الاكله دي فيها كام سعر حراري لكل 100 جرام منها
-
بعد ماعرفتي جسمك محاج كام سعر هتاكلي الاكل من مصادره الصحيه فقط ودا مهم جدا عشان شكل جسمك
يعني لو زودتي سعرات وهدفك انك تعملي تكبير لمناطق معينه في جسمك لكن الاكل مش صحي مش هتكبري الاماكن اللي بتستهدفيها وهتزيدي بدهون
فبدل ماكنتي بتزودي جسمك عشان يبقي فيه كيرفات وانحناءات هايبقي فيه كيرفات وانحناءات بس في الاجناب والبطن والأماكن اللي بتتجمع فيها الدهون
- فلازم اكلك يكون صحي عشان تزيدي بشكل جذاب مش يطلعلك كرش
طب ايه هو الاكل الصحي باختصار ؟
الاكل الصحي موجود في اول تعليق بالتفصيل
موضوع شامل لأفضل مصادر البروتين وموضوع شامل لافضل مصادر الدهون وتاكلي انهي دهون وتتجنبي انهي دهون وموضوع شامل برضو لافضل مصادر الكربوهيدريتس
وتاكليها امتي وازاي
- وسريعا كدا تقدري تاكلي بروتينات زي الفراخ والسمك واللحمه والعدس والبيض والجبنه القريش
وبالنسبه للنشويات فأفضل مصادرها الحبوب الكامله زي الشوفان والقمح والارز
اما الدهون
فتقدري تاكلي مكسرات وجوز الهند والسمن الحيواني
-
وطبعا اساسي معانا الخضروات وخاصة الخضروات الورقيه وتقدري تاكلي فاكهة ولكن بكميه قليله
-
طيب ظبطنا اكلنا وكميته , ايه هو بقي دور التمرين وليه لازم نتمرن سواء كنا هنزيد او هنخس ؟
- التمرين دوره الاساسي هو انك تكوني بصحه جيده بمعني ان لياقتك البدنيه تزيد وتحصني جسمك من الامراض وتكوني نشيطه وعندك قدره تشتغلي ومجهودك يكون عالي خلال يومك
لكن فيه دور تاني للتمرين ودا اللي بيهم كتير مننا وهو رسم شكل الجسم
لازم تعرفي ان مافيش فورما بدون تمرين يعني مهما خسيتي ومهما عملتي دايتات وغيرتي في انواع الدايتات واكلتي صحي , مش هتوصلي للجسم الكيرفي المتقسم وسط نحيف ومؤخره مشدوده وعاليه وضهر مفرود وجلد مشدود غير بالتمرين
- بصي اي حد عاز يخس هايخس بمجرد ما يقلل كمية الاكل واي حد عاوز هايزيد لو زود كمية الاكل
لكن مش اي حد هايعمل جسم جميل متقسم وفيه كيرفات زي مابتشوفي في الفيديوهات والصور علي السوشيال ميديا
-
فعشان توصلي للجسم اللي بتحلمي بيه اعملي نظامك الغذائي حسب هدفك سواء كنتي بتخسي او بتزيدي وثبتي المرين التمرين دا اسلوب حياه مش شهر اشتراك في الجيم
-
طيب نرجع لسؤال اختنا ونعدله شويه ونخليه ايه هي التمارين اللي تخليني اعمل كيرفات وشيب لجسمي
- التمارين دي هي تمارين المقاومه وانظمة التمارين كتيره جدا لكن في النهايه الفكره بسيطه وهي انك بتعملي حمل وضغط علي عضله معينه في جسمك فبيحصلها تفتيت وبيبقي فيها دم اكتر فبالتالي بتتغذي اكتر وتكبر معاكي
-
فلو هنجاوب ونقول ايه التمارين اللي تناسبني اثناء فترة التضخيم وتكبير حجم جسمي هانقول انها تمارين المقاومه
وتقدري تلعبيها يوم ويم حسب نظامك وحياتك الشخصيه يعني لو متوفر ليكي تتمرني 3 ايام في الاسبوع اوك كويس
لو متوفر ليكي يومين بس هايكون احسن من مافيش لو تقدري تشتركي في جيم وتروحي تلت اربع ايام في الاسبوع يبقي جميل جدا لو عندك ادوات او بتحبي تتمرني في البيت مافيش اي مشكله
استنونا الفيديو القادم وموضوع جديد
وأه ماتنسيش تشاركي الفيديو مع صحباتك عشان الكل يستفيد