فيتنس ايجبت | نظام تمارين للمشغولين فى ١٠ دقايق

متأكده إن ما بين متابعينا هيكون فيه المشغولين دايمًا.. سواء بالبيت أو بحياتهم العمليه.
وكتير منهم بيكسل ينزل جيم أو حتى يلتزم بالتمرين فى البيت.
وكمان إللى حافظو على التمرين لفتره معينه، وبعدين وقفو التمرين لأي سبب .. أكيد بدأو تاني يحسو بالارهاق ..وصعوبه فى التنفس من اقل مجهود بيعملوه .

الفيديو دا هيكون خفيف ومناسب ...لو إنت عايزه تبدئي يومك بتمارين بسيطه وسريعه تديلك نشاط خلال اليوم... وتنشطي بيها الدوره الدمويه فى جسمك ... وكمان تنشطي عضله قلبك ونفَسك
من غير ما تنهجي من اقل مجهود.

هيكون تطبيق عملي.. لعشر تمارين بسيطه جدا ... وسهله على حد إنه يقدر يعملهم .. لكن أضمنلك إن نتيجتهم هتكون حلوه جدا .. وهتأثر على حيويتك ونشاطك اليومي.

كمان الفيديو دا هيعتبر كارديو ممتاز.. للبنات إللى بيتتمرن فى الجيم ..فممكن تعمليه بعد ما تخلصي تمارين المقاومه.. حسب جدولك إللى ماشيه عليه