الخفسه او غمازة الفخد تمارين ومعلومات لإمتلاء العضله النائمه واستدارة الافخاد من الخارج

عشر قواعد للتخلص من مشكلةة العضله النائمه والحصول علي افخاد مستديره ومشدوده
-
القاعده الأولي وهي تمرين العضله النائمه تمارين عزل - يعني تلعبي التمارين المركزه عليها اللي مافيهاش عضلات مساعده كتير
عندك تمرين زي الاسكوات تمرين مركب بمعني انه بيشتغل علي اكتر من عضله في وقت واحد - مابقولش تتجنبيه لكن لو بتلعبي اسكوات بهدف انك تشغلي العضله النائمه فدا مش احسن اختيار فممكن تلعبيه اوك لكن خصصي تمرين او اتنين بيعملو عزل للعضله النائمه بحيث يكون التركيز عليها لوحدها فبالتالي ضخ دم اكبر فيها وبالتالي التغذيه توصلها اكتر من اي عضله تانيه
يبقي اول قاعده تعملي تمارين عزل للعضله النائمه زي اللي معروضه ادامك علي الشاشه دلوقت
-
القاعده التانيه وهي الزياده التدريجيه في الوزن - بمعني انك لو بدأتي التمرين بوزن 5 كيلو وعملتي مجموعه 15 عده مثلا - ماتلعبيش المجموعه التانيه بنفس الوزن - زودي الوزن ولو كيلو ولو اتنين كيلو المهم تحطي حمل اكبر علي العضله بشكل تدريجي بحيث الهايبرتروفي يزيد معاكي وتضمني تفتيت خلايا العضله - حتي لو زيادة الوزن هتأثر علي العدات يعني لو هتزودي في المجموعه التانيه وتلعبي بال 7 كيلو مثلا مش شرط انك تعدي نفس ال 15 عده اللي عدتيهم في المجموعه الاولي ممكن يبقو 1 وممكن يبقو 10 عادي جدا وممكن لو مش قادره يبقو 8
وهكذا برضو في المجموعه التالته تقدري تزودي كمان اتنين تلاته كيلو وتعدي عدات اقل
- وانصحك تبدئي اي تمرين بمجموعه فاضيه بدون اي وزن تعدي فيها 15 ل عشرين عده منها احماء ومنها تجنب اصابه وكمان تركزي انك بتلعبي صح

-
القاعده التالته وهي انك تلعبي التيكنيك صح والمدي الحركي الكامل للتمرين
ببساطه جدا ماتخليش الاوزان العاليه تأثر علي تطبيقك للتمرين بشكل صح يعني لو رفعتي 20 كيلو ولقيتي نفسك بتلعبي التمرين غلط يبقي الافضل هنا تقللي الوزن نسبيا
فالأولويه لإنك تلعبي صح وبالنسبه للمدي الحركي الكامل هو انك تلعبي التمرين من نقطة البدايه لنقطة النهايه بشكل كامل يعني ماتنسيش نفسك والحماس ياخدك وتلعبي نص المدي الحركي انتي كدا بتلعبي نص التمرين
فركزي جدا في إنك ترفعي وزن مناسب ليكي يكون تقيل وفي نفس الوقت مايبوظش التمرينه
-
القاعده الرابعه وهي اجابه علي سؤال كتير من البنات سألوه ماهو الوزن المناسب اللي العب بيه ؟
الوزن المناسب ياست البنات هو الوزن اللي يناسبك انتي وبس مش الوزن اللي صحبتك بترفعه او الوزن اللي الكابتن بتاعتك بتلعب بيه
مافيش حاجه اسمها العبي بالخمسه كيلو او العبي بالعشره كيلو لان العشره كيلو بالنسبالك ممكن تكون تقيله بس بالنسبه لصحبتك القديمه في التمرين تبقي وزن بتسخن بيه
فانتي تعرفي الوزن المناسب ليكي بإحساسك انتي وماتقنعيش نفسك بإن فيه وزن خفيف ووزن تقيل مش هتقدري عليه لا ماتخليش عقلك يصدق دا لانه لو عقلك اقتنع بإن اخرك وزن معين عمرك ماهتتطوري في اللعبه وهتفضلي تلعبي بوزن ثابت
اتمرني بوزن خفيف في البدايه وكل ماتحسي ان الوزن دا خلاص بقيتي بتوصلي بيه لعشر عدات او اكتر اعرفي ان حان الوقت لإنك تزودي وزن
-
القاعده الخامسه وهي كمية البروتين في يومك
زي ماشرحنالك قبل كدا وقلنالك ان العضله مابتتبنيش غير بالبروتين فلازم تدخلي كمية بروتين يوميا تكفيكي والدراسات بتقول ان الكميه دي بتختلف باختلاف نوع الرياضه ودرجة شدة التمارين لكن في المتوسط تقدري تضربي وزنك في اتنين والناتج دا يساوي جرامات البروتين اللي جسمك بيحتاجها يوميا وحطالك في اول تعليق موضوع شامل لافضل مصادر البروتين والاكلات اللي فيها اجود انواعه ولو كنتي نباتيهومالكيش في اللحوم برضو حطالك ازاي تجمعي جرامات البروتين بتاعتك من الاكلات النباتيه كله في اول تعليق تحت الفيديو
-
القاعده السادسه وهي الفيتامينات في اكلك لازم تكون عاليه ومتنوعه - خلي ديما عندك في نظامك طبق سلطه مليان بالخضروات خاصة الخضروات الورقيه وكمان كلي ثمرة فاكهة خلال اليوم
الفيتامينات مهمه جدا عشان جسمك يمتص البروتين
-
القاعده السابعه وهي شرب الميه ديما خدي معاكي ازازة ميه في التمرين واللي بيقولولك الميه بتعمل كرش اعمليلهم بلوك فيسبوك بلوك انستجرام بلوك بلوك بلوك بلوك
-
القاعده التامنه وهي الراحه التامه للعضله بعد التمرين
لازم تدي الراحه الكافيه للعضله اللي اتمرنتيها عامة بحيث تتم عملية الريكفري او الاستشفاء وهي الفتره اللي بين التمرينه والتانيه والفتره دي بتختلف باختلاف المستوي اذا كنتي مبتدئه انصحك بإنك تلعبيها كل 4 ايام مره ولو كنتي رياضيه والامور تمام فتقدري تلعبيها من مرتين ل تلاته خلال الاسبوع والموضوع نسبي وبيختلف باختلاف شدة التمرين بس انا بديكي رينج المتوسط عشان ماتتوهيش وتحتاسي
-
القاعده التاسعه وهي النوم
طول مانتي بتنامي نوم عميق متواصل جسمك هايتحفز يحرق دهون ويبني عضل وكمان بيصلح جميع الخلايا التالفه وكمان صحة الاوتار ولياقتك بصي النوم عامل رئيسي في وصولك لاي هدف في مجالنا دا
ظبطي نومك بحيث يكون نوم هادئ ومتواصل وعميق والتمرين هايساعدك علي دا لانك هتكوني تعبانه فهتنامي كويس اوي
-
القاعده العاشره وهي انك تعملي شير للفيديو وماتبخليش علينا بتعليق يحفزنا اننا نقدملك محتوي افضل ولو مش مشتركه في القناه اشتركي وفعلي زر الجرس عشان يجيلك فيديوهاتنا الجديده
#الخفسة
#الخفسه
#غمازة_الفخد
#الورك_الغائر