تمارين العزل و التمارين المركبه ما الفرق بين النوعين من التمرين

في هذا الفيديو نشرح
التمارين المركبه وتمارين العزل
ماهي تمارين العزل وما هي التمارين المركبه والفرق بينهما
التمارين المركبه : هى التمارين اللى بنستخدم فيها اكتر من مفصل وبالتالى بنستخدم اكتر من عضله
مثال ليها تمرين الاسكوات بنستخدم العضلات الاماميه للرجل والخلفيه والجلوتس وعضلات الوسط من القطنيه والمعده غير ان الدراع بنستخدمه فى سند البار يعنى يعتبر بنشغل معظم عضلات الجسم طبعا مش بنسب واحده
*طب فايدته ايه: كل ماكتر عدد العضلات المساعده فبالتالى هنستخدم فيه وزن اكتر من تمارين العزل
وكل ماعدد العضلات المساعده تكتر الجسم بيبزل مجهود اكتر ويحرق سعرات اكتر لاعاده بناء العضلات مره اخرى
بيقلل من عدد تمارينك لانك لو بتلعب تمارين الاسكوات والديدليفت مش هتحتاج انك تلعب تمارين للبطن اكتر من مره واحده فى الاسبوع ويستحسن بدايه التمرين بيها لانها بتحتاج لتركيز عالى وبتستنزف قوى الجسم وبتساعد فى رفع هرمون التستسترون الطبيعى فى الجسم
** امثله ليها
Squat / dead lift /barbell bench press /pull ups وغيرها من التمارين المركبه
—————————-
تمارين العزل : وهى التمارين التى نستخدم فيها مفصل واحد او عضله واحده فقط فى التمرين زى تمرين biceps curl وهو بنستخدم فيه مفصل الكوع فقط
واهميه تمارين العزل انها تعتبر اداه لعزل مناطق معينه ممكن ان تكون ضعيفه ومحتاجه لتنميتها اكتر من باقى العضلات او محتاج تركيز عليها دون عن باقى العضلات فى يومها وتعتبر افضل بالنسبه لتفاصيل العضله اكتر منها للضخامه
امثله ليها :
Leg curl /biceps curl / leg extension/ laterial raise &front raise وغيرها
ويستحسن بدايه التمرين بالتمارين المركبه ثم تمارين العزل