الخفسه اهم واقوي خمس تمارين وخمس وجبات لإمتلاء العضله النائمه ومشكلة الورك الغائر

خفسة الورد او خفسة الفخذ مشكله كبيره بتزعج البنات وليها اسامي كتيره مختلفه ز الورك الغائر او العضله النائمه
قبل مادخل في المشكله وحلها عاوزه انبه علي تجنب الحلول الفاشله في السريع كدا ، عشان اخواتنا المبتدئات مايتخدعوش فيها ومايضيعوش وقتهم .
بالنسبه للمبتدئات فيه تنبيه مهم
اول حاجه : ماتجريش ورا عمليات التجميل والحقن
حقن الدهون وحقن الفيلر .... لانها بتاخد وقت طويل جدا يتعدي ال6 شهور، ف لو اتمرنتي نفس المده هتوصلي لنتيجه طبيعيه ودايمه ، وكمان مصاريف الحقن مكلفه جدا وكمان النتيجه مستحيل ترضيكي 100% دا بعيدا عن الاصابات والمشاكل الصحيه اللي ممكن تتعرضي ليها
كمان المنطقه اللي هيتاخد منها الدهون بيحصل فيها ترهل
بعد شفط الدهون منها , فهتلجئي للتمرين برضو
فخليكي في المضمون والحل النهائي الدائم من البدايه
ومافيش احلي من الطبيعي المتجرب علي حالات كتيره وكمان هتاخدي نتيجه دايمه طول العمر

-----
تاني حاجه لازم تشخصي حالتك في الاول تعرفي سبب الخفسه دي ايه ؟ هلي هو تجمع دهون عشوائي بسبب حياتك والا انتي نحيفه جدا ومحتاجه تضخيم ..... التشخيص الصح هايوصلك للطريق الصح والنتيجه المضمونه
واي ان كانت حالتك ماتسمعيش لاي حد يقولك دي مابتروحش وان دي مشكله مالهاش حل
لا فيه حل اي ان كانت المشكله وناس كتير جدا علي مدار سنين كتيره بيبعتولنا صورهم قبل وبعد وعاملين نتايج ممتازه وبدون مايشتركو في اي متابعات شخصيه
----------------
ولو انتي اتمرنتي قبل كدا وبرضو مافيش نتيجه انا هوضحلك ايه الخطأ اللي ارتكبتيه خلا الخفسه زي ماهي او يمكن زادت اكتر
-
لو اتمرنتي قبل كدا وطبقتي التمارين بانتظام ع الاقل شهر , ومافيش نتيجه برضو ؟
يبقي ترجعي لنظام تمارينك وتشوفي هل فيه توازن بين تمارين الافخاد وتمارين المؤخره والا لاه
لان دا خطأ معظم البنات بيعملوه او يمكن كلهم
وهو تمرين النصف الاسفل من الجسم بتمارين بتركز ع الافخاد اكتر من المؤخره
زي تمارين السكوات وال ديد ليفت ومعظمها تمارين بتركز علي الافخاد فبالتالي الافخاد بتكبر من ورا ومن ادام
بشكل اكبر من المستوي اللي بتكبر بيه المؤخره
وهو دا الخطأ اللي لو بتعمليه مستحيل هتحققي شكل لوار بدي متناسق
فالحل ببساطه واختصار
لو هتلعبي تمرين للافخاد يبقي تلعبي قصاده تمرين مؤخره
لو هتاخدي سكوات يبقي قصاده بريدج
هتاخدي اللونجز يبقي قصاده كيك باك
هتاخدي الديد ليفت يبقي قصاده سايد ليج او دونكي كيك
-
تمرين سكوات بيكبر الافخاد
تمرين بريدج بيكبر المؤخره
-
تمرين اللونجز بيكبر الافخاد
تمرين كيك باك بيكبر المؤخره
-
والتوازن مش بس في انك تاخدي تمرين لعضلة المؤخره مقابل تمرين لعضلة الافخاد
التوازن هايكون في التمرين نفسه كمان زي العدات ومستوي الاوزان اللي بترفعيها
تمرين زي البريدج دا سهل جدا و تأثيره هيكون خفيف علي عضلة المؤخره لو مابتحطيش وزن

ومعظم البنات بتلعبه بدون اوزان وبتتخيل انه كدا تمام , ودا مش افضل حاجه طبعا
لا للبريدج ولا لاي تمرين تاني
-
اي تمرين تلاقيه خفيف وسهل , يبقي لازم فورا تشيلي وزن ولما الوزن يبقي عادي وتتعودي عليه يبقي لازم تزوديه تاني وهكذا
-
فالفكره في التوازن بين التمارين هو جودة اداء التمارين نفسها مش بس عدد التمرينات ومجموعاتها .