تكبير مناطق معينه تغيير مقاسات الجسم

تكبير مكان معين بدون باقي الجسم
---------
(تمارين المقاومه والهايبرتروفي للمكان دا )

تمارين عزل مش مركبه
التمارين المركبه اللي بتشغل اكتر من عضله في نفس التمرينه , زي تمارين ال سكوات بمختلف انواعها
او تمرين ال ديد ليفت
- وكلامي مش تقليل من اهمية التمارين المركبه , لانها بتزود القوه العامه للجسم , ولكن المطلوب دلوقتي هو التركيز علي تكبير عضله معينه في الجسم ودا هيحتاج مننا اننا نعزل العضله دي في التمرين ودا اللي هيظبط معاكي شيب الجسم
- تمارين العزل دي بمنتهي البساطه , هي التمارين اللي بتركز علي عضله واحده , عضله واحده هي اللي بتقاوم الوزن , عضله واحده هي اللي هيحصل لها هايبرتروفي فبالتالي يبقي فيها دم اكتر وبالتالي تاخد تغذيه اكبر وبالتالي تلاحظي تكبير علي العضله دي تحديدا بدون تكبير باقي عضلات الجسم
وهو دا الفن والعبقريه في اللعبه , انك تعملي شيب للجسم , انك تعملي شكل متناسق بأقل مجهود " الموضوع مش عاوز غشوميه الموضوع عاوز فن "