فيتنس ايجبت | نظام تمارين اسبوعي لجميع عضلات الجسم circuit training ( جدول تمرين بدون راحه )

الفيديو دا هيكون بنظام تمرين جديد ومختلف عن كل مره .. هيناسبك لو بتنشفي أو حتي بتزودي وزنك
....
اكيد اي بنت بتبقي عايزه جسمها متناسق
ببطن مشدوده
وصدر مرفوع مش مترهل
دراع مشدود ومتقسم
مؤخره مستديره ومرفوعه
وكمان رجل تكون مشدوده ..ومفهاش سليولايت
.....
الفيديو النهارده عن التمرين بس ... يعني مفهوش كلام كتير غير تعليمات الاداء الصحيح للتمرين...
التمارين إللى اخترتها هتستهدف عضلات الجسم كله

هدفها شد الجسم وزياده معدل الحرق
مش هتحتاجي لأي أدوات
.......
هنتمرن بطريقه ال circuit training
الطريقه دي فى التمرين ليها فوايد كتير هقولهالك فى نهايه الفيديو .

فكره ال circut training مبنيه على انك بتختاري مجموعه من التمارين المركبه اللي بتشغل عضلات الجسم كله
من ٥ ل ١٠ تمارين .. وبتعمليهم ورا بعض بدون راحه خالص ... لحد ما تخلصيهم
وبكدا بتكوني عملتي مجموعه واحده بس من التمرين
وبعد كدا هتاخدي راحه دقيقتين ل ٣ دقايق..
وتعيدي المجموعه دي تاني من ٣ ل ٥ تكرارات حسب مستوي نشاطك البدني
......

عشان التمرين يكون خفيف عليكي ..ويناسبك لو اول مره تجربيه

هنعمل دايرتين من التمارين
كل دايره منهم فيها خمس تمارين بس.. وممكن انتي بعد كدا تزودي عدد التمارين فى الدايره الواحده ..