احصلي علي أفضل قوام ممشوق بهذه الأسرار

١_ اتمرني باستمرار لفتره طويله ،
ماتقطعيش تمرين لمده طويله مهما كانت ظروفك
حتي لو جودة تمرينك هتكون قليله دا هيكون افضل كتير من بعدك عن التمرين بشكل نهائي، يعني لو بس هتتمرني لكل تمرينه مجموعه واحده هايبقي افضل مليون مره من انك تقطعي تمرين ، كمان انقطاعك عن التمرين ممكن يخليكي تبعدي تماما عن اللعبه
فمش مهم جودة التمرينه نفسها اد ماهو مهم انك تتمرني بشكل مستمر لمدة شهور .
____________

٢_ تغيير اسلوبك في الاكل من بداية الشوبينج هو اقوي ضامن لانك تعملي فورمه قويه ، حساب الكالوريز والماكروز كلنا بنعمله وبنيجي عند التطبيق العملي بنلغبط ودا طبيعي اننا نلغبط طول مالاكل في البيت متاح باصناف كتيره غير صحيه
فأفضل اسلوب هيخليكي ديما في save zone انك من البدايه تشتري اكل صحي
بدل ماهتجيبي بسبوسه وكنافه هتجيبي فواكه
بدل ماهتجيبي مشروبات غازيه هتعملي عصير فريش تحطيه في التلاجه وطبقي القاعده دي علي كل اصناف الاكل من بداية الشوبينج
-----------

٣_ اشتري اوزان كل فتره خليها في البيت
كلنا بنقدر نجمع مبالغ ماليه من المصروف او المرتب الشهري ، اعملي ديما حساب تمرينك في جزء من المبلغ دا حتي لو كان قليل ، لما كل شهر تشتريلك اتنين دمبلز او مجموعة اساتيك مقاومه ، هتلاقي الموضوع فارق معاكي بعد ٦ شهور هتلاقي عندك في البيت جيم مصغر يكفي كل احتياجك كواحده هاويه عاوزه تعمل شيب وجسم جذاب .
-------------

٤_ جهزي بروتين الشهر كله مره واحده ،
كلنا عارفين اهمية البروتين في نظامنا الغذائي وبنكتبه في الوجبات بتاعتنا علي الورق . لكن في التطبيقةالعملي الموضوع بيبقي صعب الاستمرار عليه يوميا ، وبما ان البروتين هو العنصر الاساسي لبناء خلايا عضليه في الجسم ، يبقي لازم تضمني انك توفري احتياجك اليومي منه ويكون جاهز لشهر ادام كمان
شوفي بتحبي تاكلي ايه اكتر من مصادر البروتين وجهزيها في اكياس حطيها في التلاجه وكل يوم تطلعي كيس تطبخيه سواء بقي كانت لحمه او صدور فراح او اسماك
خدي اتنين جرام بروتين لكل كيلو من وزنك هتشوفي فرق كبير علي جسمك بعد اول شهر التزام
--------------
٥_ ماتبصيش علي وزن جسمك بيزيد او بيقل ،
بصي علي شيب جسمك في المرايا بيتغير والا لاه
جسمك ممكن يحرق دهون ويبني عضل وانتي مش واخده بالك بسبب انك علي الميزان وزنك ثابت
----------
٦_ ماتكليش الوجبه الا اذا كانت محدده ،
قبل ماتاكلي لازم تحددي وجبتك في طبقك عشان السرحان وعدم الشعور بكمية الاكل الكبيره ، زي الناس اللي بتاكل وهي بتتفرج علي التليفزيون ومحطوط ادامها سفره فيها اكل كتير واصناف كتيره ، اكيد هتسرح وتنسي وهتاكل زياده عن احتياجها
فتحديد الطبق بكميات اكلك هيظبط المشكله دي .
--------------
٧_ اشتري كرياتين
دا اهم مكمل غذائي ممكن تستخدميه وليه نتايج مضمونه وقويه , هتاخدي 5 جرام في اليوم وماتقلقيش من نقطة الامان , كل الدراسات بتأكد ان الكرياتين ءامن تماما علي صحة الانسان , وبقولك انه اهم مكمل غذائي لانه صعب ناخد العنصر دا يوميا من اكلنا الطبيعي , الكرياتين موجود في اللحوم الحمرا لكن بشكل قليل جدا مايكفيش احتياجك اليومي ,
---------------------------------
٨_ ثبتي الخضروات الورقيه في كل وجبه
اي وجبه هتاكليها خلي معاها ديما طبق خضروات ورقيه زي الجرجير او الخس الكابوتشا او الفجل , الخضروات الورقيه سعراتها قليله جدا جدا ومليانه فيتامينات متنوعه
ولو مش بتقدري تاكليها بشكل كويس يوميا فممكن تشتري مكمل مالتي فيتامين من الصيدليه
-------------------------------
٩_ اشربي ميه باستمرار
موضوع الميه دا غالبا مابنطبقهوش كلنا , احتياج جسمك اليومي من الميه بيعادل واحد لتر لكل 23 كيلو من جسمك
يعني لو وزنك 70 كيلو هتحتاجي 3 لتر ميه يوميا , الميه اساس معانا في الحياه الصحيه بتسرع الاستشفاء وبتساعد علي الهضم وامتصاص العناصر الغذائيه ,
---------------------------------------
------------------------------------------------------
١٢_ اتمرني حسب لياقتك وقوتك انتي
حتي لو دا هيكون عكس نظام التمارين
كل ماتريحي نفسك في التمارين كل ماتحبيها وهتبقي اسهل وبكدا تضمني الاستمرار
لكن انك تضغطي جامد علي نفسك او تعملي تمارين مش مناسبه لمستواكي فدا هايكون سبب كافي لانك تبطلي
لو مبتدئه من الزيرو العبي بوزن جسمك وبعد ماتحسي انك بتأدي تمارين سهله ابدئي زودي اوزان وهكذا
لو فيه تمرين صعب عليكي ومطلوب في النظام انك تلعبي ١٥ عده ممكن تخليهم ١٠ بس وممكن تخليهم ٨ بس وممكن تتجنبي التمرين نفسه لو هيضايقك
وعامة ماتقلقيش من الموضوع دا كلها شهر تمرين وتلعبي كل حاجه وتزودي اوزان كمان ، فبلاش توصلي نفسك لمرحلة ضغط وحملان هم التمرين ، كل ماتخديها ببساطه كل ماهتطوري في اللعبه
---------------

١٣ _ ركزي في الزياده الدوريه للاوزان
الوزن اللي تلعبي بيه ١٥ عده ، زوديه في التمرينه اللي بعدها
خلي متوسط عداتك ١٠ عدات
اصل معني انك بتعملي بوزن معين ١٥ عده انه سهل فتزودي الوزن وتجيبي ١٠ عدات
الزياده الدوريه للاوزان مالهاش معاد محدد ، يعني مفيش حاجه اسمها بعد اسبوع او بعد شهر
لا خلي الموضوع حسب لياقتك وقدرتك الشخصيه .
-------------
١٤_ اتعبي العضله متتعبيش جسمك
مش مطلوب منك في تمرينة المقاومه انك تنهجي وتعرقي وتموتي نفسك ، مطلوب منك تتعبي العضله اللي انتي بتلعبيها ؛ تعمايلها سكويز في الحركه الايجابيه وانبساط بطئ في الحركه السلبيه
الفايده كلها في ان العضله هي االي تتعب مش انتي .