هل الخفسه بتروح فعلا بالتمارين والنظام الغذائي ؟

دا فيديو بسيط جدا هرد فيه علي تعليقات سلبيه مضيقاني
-
تعليقات اتكررت ناس بتسأل هي العضله النائمه بتروح فعلا , وناس بتشكك في النتيجه وكلامها محبط
وناس بتقول ان لو مشكله وراثيه يبقي هتفضل كدا طول العمر وشكلها مش هيتغير وبتصدر الاحباط لغيرها
-
طبعا كل الكلام دا تقدري تمحيه بأستيكه في خلال شهر واحد من تمرينك والتزامك بأكل صحي مناسب لحالتك
لانك لو بس اتمرنتي شهر ودي مده قصيره جدا بالنسبه لمجالنا عامة , لكن هتلاحظي تحسن في شكل العضله النائمه وهتحسي بامتلاء في المنطقه دي حتي لو كان ناتج عن البلاد بامبينج نتيجه للتمرين - بس دا هينفيلك كل المعتقدات الخاطئه اللي بينشروها المحبطين في الكومنتات
- صدقيني عمرنا ماهنكذب عليكي في جمله احنا مش هنستفيد حاجه من اننا نضللك احنا بنعامل ضميرنا وبس
خدي الكلام ثقه - اتمرني والتزمي باكلك الصحي ونامي كويس وهتعرفي ان مفيش حاجه مستحيله وان النتيجه جايه جايه طالما ملتزمه
-
اما موضوع مشكلة العضله النائمه لو كانت سببها وراثي او الحياه العشوائيه الخاليه من الرياضه او غيرها من الاسباب فأي ان كان السبب للمشكله فليها حلها وعندك امثله كتيره جدا منها موديلز مشهورين في المجال
- عشان ماكررش كلامي ع الفاضي - اتمرني - كلي صحي - نامي كويس وبعدها اتكلمي عن النتيجه
- لو عندك مشكلة العضله النائمه اللي هي خفسة الورك اللي عامله انحناء للداخل فدي حلها عملناه في فيديو قبل كدا بشرح مفصل حطاهولك في اول تعليق تحت الفيديو دا
- اما لو مشكلتك هي تراكم الدهون في المنطقه دي فدي حلها مختلف شويه وبرضو هتلاقي فيديو تفصيلي عنها في اول تعليق تحت الفيديو دا