خمسة اشياء تجعل جسمك يفقد الوزن من الدهون فقط , ويحافظ علي الكتله العضليه

ايه اللي يخليني اخسر وزني من الدهون مش من العضلات؟

خلينا متفقين انك لو بتقللي 500 سعر حراري من سعراتك يوميا.. هتخسي نص كيلو في الاسبوع من وزنك..
النص كيلو ده ممكن يكون دهون.. او عضلات.. او ممكن يكون مزيج من الاتنين..
في بقي عوامل كتير بيتوقف عليه نوعية الاوزان اللي هتفقديها..

طيب ايه هي العوامل اللي تخلي الخسارة من الدهون مش من العضل؟

اول عامل:
لما نخلي نظامنا الغذائي بيحتوي علي نسبة عالية من البروتين ..
ومنقلش عن 1.6 جم بروتين.. لكل كيلو جرام من وزن الجسم..
يعني لو وزنك 70ك.. هضربي وزنك في 1.6 هتلاقي احتياجك من البروتين حوالي 112جم..
--
تاني عامل.. ان نظامك الغذائي يكون عالي القيمة الغذائية.. وغني بالفيتامينات والمعادن..
ولو شايفة انك مش هتقدري تاخدي حصتك كاملة من الفيتامينات والمعادن ..ممكن تاخدي مالتي فيتامينز من الصيدلية..

لكن لو بتاخدي حصصك كاملة من المينرالز والفيتامينز من الخضار والفاكهة ..يبقي انتي تمام كدة مش محتاجة تاخدي مالتي فايتمينز.
--
تالت حاجة
انك تحافظي علي تمرينات الحديد باوزان من متوسطة لعالية..
بالاضافة الي المحافظة علي الزيادة الدورية في الاحمال التدريبية..
يعني مش عشان بخس انا تعبانة ومش هقدر ازود الأوزان اللي بتمرن بيها..
لا حاولي قدر الامكان ترفعي الأوزان بالتدريج..
مثلا دلوقتي بتتتمرني بكيلو بعد أسبوعين اتمرني بكيلو وربع..
او لو بتتمرني ب5ك بعد أسبوعين اتمرني ب7 ك..وهكذا
زيادة الاحمال هتنفعك جدا في زيادة الكتلة العضلية.. بالإضافة انك تخسري وزن من الدهون بدل العضلات ..
..
رابع عامل..
عدم الاسراف في تمرين الكارديو ..
وتخليه تمرين ثانوي مش اساسي..
ممكن تعملي الكارديو 5د قبل ماتتمرني..و بعد ماتعملي الاسترتشات طبعا.. عشان ترفعي درجة حرارة الجسم وتنشطي الدورة الدموية..
وتختمي التمرين ب5 د او 10 دقايق كارديو.. جري عجلة او تنطيط..
بس حاولي متزوديش عن كدة.. عشان منخسرش العضلات

خامس حاجة..
النوم الكافي من 6-8 ساعات بالليل..
الموضوع هيفرق جدا انك تفقدي الوزن من الدهون مش من العضلات
زائد انه بيحسن ويسرع عملية الاستشفاء.
---
لو فادك الفيديو اعملي لايك.. ولو عندك اي سؤال اكتبلنا في التعليقات..
ومتنسيش تعملي subscribe للقناة عشان يوصلك فديوهاتنا الجديدة..