سد النهضة ولغز نهر النيل

تقريباً في حرب إلكترونية قايمة بسبب الفيديو دا أكبر من حرب 73\ بس أعتقد كده فير ودي قسمة الحق\ واعتقد إنه حل عملي وسريع لأن مفيش وقت\ إثيوبيا حالفة إنها هتبدأ تملى سد النهضة، واللي بيقولوا إنه أكبر سد كهرومائي أفريقي، من الشهر الجاي ومش راضية تتنازل\ تقريباً عليها ندر والله أعلم\ برغم من إنهم لسا موصلوش لحل نهائي مع الدول اللي على مجرى النهر\ واللي هما مصر والسودان\ ودا طبعاً بعد سنيين من التفاوض\ إلا إن إثيوبيا مصرة وشكلو كمان النيل حينشف
مش هقلبها حصة علوم وأقول تعتمد مصر على مياه النيل بشكل كبير (بطريقة مدرسة)\ ولا هقلبها برنامج تحليل سياسي واتكلم عن الأزمة والقرارات وحصة كل دولة في الميه\ بس الصراحة هاخدكوا في حتة تانية بعيييييدة\ وهقلبها حصة جيولوجيا (بسخرية)!!
هل خطر في بالك قبل كده النيل عمره كام سنة؟ عيد ميلاد النيل امتى؟\ أنا بقا خطر في بالي وبحثت في الموضوع\ في سر غامض في نهر النيل حير علماء الجيولوجيا لسنين طويلة\ عادة الأنهار القديمة واللي عمرها طويل جدا بتغير مسارها مع مرور الوقت\ إلا نهر النيل\ ومع إنه من الأنهار القديمة\ إلا إن مساره فضل ثابت\ ودا شكل لغز جيولوجي من سنين\ خلى العلماء يدعبسوا ورا الموضوع
بحسب فرضية قديمة\ العلماء كانوا مقدرين الفترة اللي نشأ فيها نهر النيل من 6 ملايين سنة في عصر الميوسين\ وطبعاً النظرية بتفضل فرضية لحد ما تيجي فرضية أجدد منها وتقولها مع السلامة أو الفرضية تقلب نظرية \ وهو دا اللي حصل\ في دراسة جديدة اتنشرت في دورية "نيتشر جيوساينس" البريطانية أواخر 2019\ الدراسة بيقودها فريق من الباحثين والجيولوجين من جامعة تكساس الأمريكية وجامعات تانية عالمية\ قالوا إنهم قدروا يحلوا اللغز دا\ قالت إيه الدراسة؟\ قالت إن منبع نهر النيل من مرتفعات الهضبة الإثيوبية للمصب في البحر المتوسط\ ثابت من 30 مليون سنة\ يعني تقريباً 6 أضعاف الفرضية القديمة\ يعني قبل الفراعنة وقصة إيزيس وأزوريس والنيل هبة الآلهة\ وقبل حتى فيلم عروسة النيل\ الدراسة الجديدة رجعت سبب الثبات دا لحركة التضاريس الديناميكية\ أو حركة الصخور في وشاح الأرض\ واللي لولاها كان النيل حول مساره باتجاه الغرب من سنين\ وأكيد كان مسار التاريخ كله هيتغير\ ومكناش هنشوف فيلم عروسة النيل متخيلين\ كانت مدام لبنى عبد العزيز هتنط فين؟\ الباحثين في الدراسة الأخيرة تتبعوا التاريخ الجيولوجي لنهر النيل\ قاموا جمعوا شوية صخور بركانية قديمة\ حبة من الموجودة في المرتفعات الإثيوبية\ وحبة رواسب نهرية مدفونة تحت دلتا النيل في مصر\ وقارنوا الصخور الي جمعوها ولقوها متشابهة\ ودا خلاهم يستنتجوا إن منطقة دلتا مصر كانت مرتفعة أكتر من وضعها الحالي\ بسبب دعم صخور وشاح الأرض المتواجدة في الأعماق\ والارتفاع دا كان مقارب لارتفاع الهضبة الإثيوبية لملايين السنين\ أهو العلم اللي بيقول أهو\
العلماء عشان يوصلوا للنتيجة دي الموضوع مكانش سهل أكيد\ قاموا استغلوا تطور التكونولوجيا والذكاء الاصطناعي\ عملوا نموذج محاكاة رقمي\ واللي قدروا من خلاله يعيدوا بناء 40 مليون سنة من النشاط التكتوني للأرض في منطقة النيل من المنبع للمصب\ التقنية الحديثة دي وضحت إن ارتفاع درجة حرارة وشاح الأرض\ خلى الحمم البركانية تتدفق وتشكل المرتفعات الإثيوبية قبل 30 مليون سنة\ وهي دي الفترة التي بيتوقع فيها العلماء إنها فترة ميلاد نهر النيل.(موسيقى عيد ميلاد وايفيكت احتفالات)
الدراسة دي مش يتيمة لوحدها\ لكن بتتفق كمان مع دراسة تانية قبلها اتنشرت سنة 2018 في مجلة "إيرث أند بلانيتاري ساينس ليترز" العلمية\ واللي بردو قدرت عمر نهر النيل 31 مليون سنة\ يعني في مليون سنة فرق بس دي شكليات\ الدراسة قالت إن الدليل هو تشابه المعادن الموجودة في رواسب النهر في دلتا مصر\ مع الصخور الموجودة في المنبع في إثيوبيا\ ودا بيأكد إن مسار النهر ثابت على نفس شكله ومساره الحالي من قبل أكثر من 30 مليون سنة\ عجبت لك يا زمن\ يعني اللي مغيرهوش الزمن والبراكين والزلازل والصفائح التكتونية ووشاح الأرض والأخاديد وزحزحة القارات وانقراض الديناصورات\ وفضلت المية بتتدفق من 30 مليون سنة لحد النهاردة\ هيتغير في 2020 بمنتهى البساطة!! ولا تصدقوا الموضوع منطقي.. يعني هيلاقي فين سنة أجمل من 2020 عشان يتغير وينشف فيها! أقعدوا بالعافية\ (هشرب من كباية المية)


للمزيد من الفيديوهات تابعونا على موقعنا الرسمي: https://www.mohtawa.ae


تابعونا على:
ـــــــــــــــــــــــــــــــــــــــــــــــ
Official Website| https://www.mohtawa.ae
Facebook| https://www.facebook.com/mohtawaae
Twitter| https://twitter.com/mohtawaae
Instagram| https://www.instagram.com/mohtawaae
محتوى منصة تهتم بالشباب العربي المعرفي من مواضيع تشمل "علوم - ثقافة - اجتماع - فضاء - تاريخ - طب - صحة - لايف ستايل - فن - رياضة - أخبار - سياسة - برامج