السيلوليت : افضل طريقه تخلصك من السليوليت في المنزل والنتيجه مضمونه 100%

الخلاصه في مشكلة السليولايت
ظهور السيلوليت مالهوش علاقه بوزنك كام
فيه بنات وزنها ٥٠ وعندها سيلوليت وفيه بنات وزنها ٨٠ ومعندهاش سيلولايت
الوزن مش مشكله
المشكله هي نسبة الدهون داخل جسمك وتوزيع الدهون دي علي الجسم مظبوط او لا
اللي بيوزع الدهون مظبوط علي الجسم هو نشاطك اليومي ، لو انتي مش نشيطه , وبتقضي يومك في الشات وقعده ادام التليفزيون فغالبا هتلاقي عندك تجمع الدهون في اماكن عشوائيه بشكل سئ وغاليا هتلاقي فيه ارتخاء في المظهر العام للجلد ان لم يكن ترهلات
-
اما لو كنتي نشيطه فهتلاقي توزيع الدهون مظبوط علي الجسم كله وطبعا مافيش نشاط افضل من الرياضه وتحديدا تمارين المقاومه
-
فلازم هتلعبي رياضه بشكل منظم وغير متعب ليكي عشان تقدري تكملي وماتكرهيش التمارين
-
الرياضه الصح هي انك تتمرني تمارين مقاومه بشكل اساسي ، عشان جسمك يبدأ يتحول من جسم مرتخي لجسم مشدود

تمارين المقاومه هي تمارين الاوزان او الحديد او اجهزة الجيم او التمارين باستيك المقاومه او حتي التمرين بوزن الجسم في البيت
-
تمارين المقاومه زي تمرين الاسكوات وتمرين البوش اب وتمرين البنش بريس واي تمرين بيعمل حمل علي العضله ،
اي تمرين او اي حركه جسمنا بيعملها فبتعمل انقباض وانبساط للعضله ، دا بنسميه تمرين مقاومه ودي التمارين اللي هتركزي عليها بشكل اساسي
-
اما التمارين اللي هتعمليها بشكل مش اساسي هي تمارين الكارديو ، ودي تعمليها حسب لياقتك البدنيه ،
-
تمارين الكارديو فيه منها انواع كتيره زي الهيت والزومبا والرقص والجري وكل التمارين اللي بتشتغل علي ضربات القلب والتنفس السريع
-
حبيت اوضحلك النقطتين بتوع التمارين دول عشان بس الناس الكتيره جدا اللي بتروح الجيم مخصوص عشان كلاس الزومبا والايروبكس
-
حلول مشكلة السيلوليت النهائيه لو هحصرها في كام نقطه هايبقو بالترتيب دا
-
تمارين المقاومه والنظام الغذائي دول هما اهم حاجتين وبيمثلو الحل النهائي للموضوع دا وكل مشاكل جلدك عامة ، مفيش واحده رياضيه بيكون عندها مشاكل في الجلد
-
لو السبب خلل هرموني
هنعمل تقليل لنسبة النشويات في النظام الغذائي
وتحليل نعرف بيه نسبة هرمون الاستروجين ومعالجته اذا كان عالي باتباع ارشادات الطبيب
ولو بتمري بمشاكل في حياتك ؟
فممكن تكون هي السبب فلازم تعملي تقليل للضغط العصبي وترتاحي نفسيا
-
3 حجات بيمثلو الحل النهائي لمشكلة السليوليت طول العمر
-
اول حاجه
تنشيط الجهاز اللمفاوي بمساج مستمر
المساج مش حل نهائي لمشكلة السليوليت هو عامل مساعد بقوه
وليه فوائد تانيه كتيره مهمه زي تقليل الالم وشعورك بالاسترخاء كمان بيستخدموه احيانا كعلاج للتوتر والارق وبيساعد في توزيع الدهون بشكل صحيح وبينشط الدوره الدمويه
فالمساج جميل وكله فوايد
بس بلاش تعتمدي علي المساج لوحده كحل للسيلوليت
وفيه طرق كتيره للمساج منها تقليديه ومنها احترافيه
هقولك علي اهم ٣ منهم واختاري المناسبه لوقتك وفلوسك وطبقيها
-
فيه المساج التقليدي اللي هو بالايد عادي ودا ممكن تخلي حد من البيت يعملهولك بشكل يومي او مره الصبح ومره بالليل , وتقدري كمان تعمليه بنفسك وتركزي علي الاماكن اللي فيها سليوليت
-
فيه رشه بتشتغل يدوي بتمسكيها بايدك ودي جميله وفعاله وسعرها مش غالي فهتقدري تشتريها من الصيديليات الكبيره او من محلات الادوات الطبيه
وهتستخدميها بدل ايدك بشكل يومي زي ماشرحنا
-
فيه كمان اجهزه كهربائيه بتعمل المساج بشكل احترافي وبتعمل مساج عضلات كمان وبتخفف وجع العضلات كتير
فشوفي المناسب لحالتك من التلاته واعمليه بشكل يومي

-
تاني حاجه
الرياضة وخاصة تمارين المقاومه
شرحتلك في الفيديو اسهل نظام تمارين مقاومه منزلي تعملي في البيت بدون ادوات
ولو حسيتي ان مستواكي اعلي من كدا فطبقي نفس التمارين بس باوزان
-
تالت حاجه
النظام الغذائي اللي يساعد علي تقليل نسبة الدهون