سؤال قبل النوم | السؤال ده محدش سأله قبل كده.. اللي اخترع الساعة.. هو عرف وقتها الساعة كام منين؟

#ايكو_عربي - #سؤال_قبل_النوم سؤال محدش سأله قبل كده.. اللي اخترع الساعة عرف وقتها الساعة كام منين؟
اللي اخترع الساعة عرف وقتها الساعة كام منين؟
سؤال حير الناس سنين وطير النوم من عينهم
ولكن دلوقتي هيعرفوا معانا الإجابة وهيقدروا يناموا بدون تفكير
منذ قديم الأزل الناس كان عندها شغف كبير بمعرفة الوقت
وعلشان كدا اعتمد الإنسان القديم على تتبع حركة الشمس لتحديده
ومن هنا اخترع الساعة الشمسية وقسم اليوم لـ24 ساعة
وكانت وقتها الساعة دي عبارة عن دايرة عليها علامات بتبين الساعات بين شروق الشمس وغروبها
وفي وسط الدايرة عصاية بتعكس ظلها على العلامات مع حركة الشمس وتحدد الوقت
بمرور السنين ظهرت الساعة المائية وبعد كدا تم اختراع الساعة الرملية ثم الساعة الفلكية والبخورية
ودي كانت الناس بيستخدموا فيها نوع بخور معين لما بينتهي بيعرفوا إنه فات ساعة
على نفس المنوال تم اختراع الساعة الشمعية
ومع التطور أكتر وأكتر ظهرت الساعة الميكانيكية والساعة البندولية
وكل مدى كان الوقت بيتقاس بدقة أكبر ووحدات أصغر لحد ما ظهرت ساعة اليد
إذن لما تم اختراع الساعة بشكلها الحالي كان المخترع وقتها عارف الساعة كام فظبطها بكل سهولة
دلوقتي عزيزي المشاهد تقدر تنام.. تصبح على خير