نصائح مهمه للمبتدئين

في الفيديو ده هنتكلم عن الأخطاء اللي بنعملها سواء في التمرين أو الدايت اللي ممكن تأدي لاصابات أو متحققش الهدف اللي انتي عوزاه وازاي نصححها ونأديها بالشكل السليم .

متنسيش تعملي لايك واشتراك للقناة وفعلي زر الجرس عشان يوصلك فيديوهاتنا الجديدة.

1-أول خطا معانا الاعتماد ع الكارديو فقط لخساره الوزن .

بنلاقي كتير من المبدئين في التمرين وخاصة الناس اللي وزنها زيادة وبيكون هدفها خساره الوزن , انهم بيعتمدوا علي تمرينات الكارديو زي المشاية والجري والاوربتراك وغيرها من تمرينات الكارديو علي انها الوسيلة الوحيدة لفقدان الوزن ,مع طبعا إهمال تمرينات الحديد أو المقاومة سواء بالأوزان أو حتي المقاومة بوزن الجسم .

الصح هو

ان لما اتعمل دراسة علي الاشخاص اللي بتمارس كارديو , لقو ان فعلا الكارديو بيحرق سعرات حرارية , لكن الاشخاص اللي بتمارس كارديو مع تمرينات المقاومة او الحديد اثبتوا أن تمرينات المقاومة بتستمر في حرق السعرات الحرارية لمده 38 ساعه عشان يحصل عملية الإستشفاء العضلي وده طبعا علي عكس تمارين الكارديو اللي كان حرق السعرات في وقت التمرين بس .

تاني حاجه تمارين المقاومة علي المدي البعيد بتزود الكتله العضليه ف الجسم وده بيساعدك في حرق سعرات حرارية بدون ماتبذلي مجهود . فلو انتي بتبصي علي المدي البعيد هتلاقي ان تمرينات المقاومة هي اللي هتظبط شكل جسمك وتخليه مشدود ومتناسق ومفيهوش اي ترهلات اللي معظم البنات بتتعرضلها بعد خساره الوزن .

2-تاني حاجه من الحاجات الخطأ (التركيز علي العدات مش الاداء الصحيح للتمرين)

كتير مننا أثناء التمرين بيكون اهتمامه بس بالعدات وازاي اقدر اجيب العدات المطلوبه مني ف التمرين ومش بيهتموا بالاداء الصحيح للتمرين وده ممكن يتسبب في أصابات أو حدوث شد عضلي .

الصح هنا هو اننا نركز في أداء التمرين بالتكنيك المضبوط عشان ندي فرصة للعضله انها تنقبض وتنبسط ونتجنب حدوث اصابات وشد عضلي .

3-تالت حاجه معانا الناس اللي بتقطع أكل عشان تخس

مبدئيا فى حاجة اسمها BMR يعنى معدل الحرق الاساسى - يعنى السعرات اللى بتتحرق واحنا نايمين بدون ادنى حركة دي فى الغالب بتكون من 1000 الى 1500 سعره فى اليوم

طب السعرات دى بتستخدم فى اية ؟
السعرات دى بتتحرق علشان تشغل القلب والتنفس وعملية الهضم يعنى السعرات دى بتتحرق علشان تخلينا على قيد الحياه.

طب اي اللي بيحصل لما بنقطع اكل خالص ؟

احنا كده بنعمل عملية انهيار فى جسمنا دا اولا

ثانيا العمليات اللى داخل جسمنا والمسئولة عن الحرق بتتعطل لان بالبلدى مافيش بنزين يشغلها

ومع انهيار جسمنا هيحتاج وقود سريع فبيضطر يحرق عضلات كتير مش دهون بس ويخزن مايه كمان يعنى لغبطة فظيعة فى الجسم ,وطبعا خسارة العضلات بتقلل الحرق جدا بعد كدة

يعني لو بنعاني من كرش ف حيفضل زى ما هو واللى هيخس دراعك ووشك بس ,ومش حتقدري تعملي رياضة وبالتالى خسارة اكتر للعضلات .طب اي الصح ؟

الصح اننا نعمل دايت متوزان عالى البروتين ميقلش عن 1200 سعره للسيدات وميقلش عن 1500 سعره للرجال.