قلبي ومفتاحه - فريد الأطرش | Alby we Moftaho - Farid El-Atrash

أغنية: قلبي ومفتاحه
غناء: فريد الأطرش
ألحان: فريد الأطرش
كلمات: فتحي قورة

تابعونا عبر حسابات #روتانا_كلاسيك على مواقع التواصل الإجتماعي...

https://www.facebook.com/RotanaClassic/
https://twitter.com/RotanaClassic
https://www.instagram.com/rotanaclassic/

كلمات الأغنية:

قلبي ومفتاحه دول ملك إيديك

ومساه وصباحه بيسألني عليك

كان حبك شمعي فى يوم عيدي

وطفاه الدمع وتنهيدي

من يوم ما إيديك لمست إيدي

وكأنك قلت يا نار قيدي

ومادام مشغول يا حبيبي

مش كنت تقول يا حبيبي

ده القلب جراحه من رمش عنيك

ومساه وصباحه بيسألني عليك

قلبي ومفتاحه دول ملك إيديك

يا حبيبي يا ريت أبقى حبيبك

وأكون من بختك ونصيبك

ده أنا مهما تقسى برضه راضي بك

وتسيبني الروح قبل ما أسيبك

قلبي عمل إيه يا حبيبي

ليه تقسى عليه يا حبيبي

وحشته أفراحه من شوقه إليك

ومساه صباحه بيسألني عليك

قلبي ومفتاحه دول ملك إيديك

ياللي ما يصعبش عليك غالي

وفي بحر هواك الموج عالي

والكلمة الحلوة اللى فى بالي

تحرم لو غيرك قالهالي

قلبي الحيران يا حبيبي

وعينيا كمان يا حبيبي

هجروني وراحوا هايمين حواليك

ومساه وصباحه بيسألني عليك

قلبي ومفتاحه دول ملك إيديك