سقوط كويكب سيدمر الأرض

من فترة مش بعيدة وكالة ناسا الفضائية\ قالت إن في كويكب هيقرب جداً من الأرض في شهر نوفمبر الجاي\ وإن في فرصة إنه يصطدم بالأرض\ وحددوا 3 تأثيرات محتملة لاصطدام الكويكب\ أنا سمعت الخبر من هنا وحسيت بالـ بالـ (يبدو عليا بعض الخوف)\ الصراحة ولا حسيت بأي حاجة\ الخبر بيطلع كل سنة تقريباً\ وكأنو ندر على ناسا\ لدرجة اني مبقتش اتفاجئ وحسيتو خبر روتيني سنوي\ وتخيلت إن ناسا معينة موظف فني كويكبات\ متفرغ لعد الكويكبات اللي طالعة واللي نازلة واللي قربت من الأرض واللي انفجرت في اللاشئ
+++
طب خلونا نعيش شوية أكشن ونتخيل إن الكويكب خبط فعلاً\ كنوع من التجديد في الخبر يعني\ لو افترضنا إن في كويكب حجمه ميل واحد\ وسرعته 30 ألف ميل في الساعة\ اصطدم بالأرض\ الطاقة اللي في الكويكب دا بتعادل تقريباً مليون ميجا طن من طاقة قنبلة\ وهسيبلكو انتو نهاية الفيلم تتخيلوها
طب خلونا نقلل جرعة الأكشن شوية ونتخيل كويكب حجمه أصغر\ بحجم بيت مثلاً\ واتحطم على الأرض بسرعة 30,000 ميل في الساعة\ كمية الطاقة فيه هتعادل تقريباً 20 كيلوطن\ يعني قريب من حجم انفجار قنبلة هيروشيما\ الكويكب دا يقدر يسوي المباني الخرسانية المسلحة على بعد نص ميل بالأرض\ والمباني الخشبية على بعد ميل ونص بالأرض\ وكأنكو بتتفرجو على فيلم Deep impact
+++
أما لو افترضنا إن الكويكب كان بحجم مبنى من 20 دور\ فا دا معناه إنه بيحتوي على كمية من الطاقة تساوي أكبر القنابل النووية التي اتصنعت لحد دلوقتي\ من 25 إلى 50 ميجا طن\ كويكب بالحجم دا ممكن
يدمر المباني الخرسانية المسلحة تماماً على بعد حوالي 10 كيلو\ يعني لو افترضنا إن الكويكب اللي عرضه كيلو ونص ضرب مدينة نيويورك مثلاً\ فوارد إن قوة الاصطدام تجيب كل المباني الأرض وتدمرها تماماً من واشنطن إلى بوسطن\ وهستسبب أضرار جسيمة على بعد 1500 كيلومتر توصل يعني تقريباً من القاهرة لحدود السودان بعيد الشر\ دا غير كمية الغبار والحطام المتطايرة في الغلاف الجوي\ واللي ممكن تحجب الشمس عن الأرض\ ودا طبعاً هيسيبب هلاك معظم الكائنات الحية على الكوكب.
دا لو افترضنا انه وقع على مدينة سكنية\ أنا بقا لو وقع كويكب بنفس الضخامة دي في المحيط\ فهيحصل بقا سيناريو مختلف تمامااا
أول حاجة هيتسبب في موجات مد تاسونامي كبيرة جدا ممكن ارتفاعها يوصل لمئات الأقدام\ واللي تقريباً هتعمل إبادة للسواحل في المنطقة اللي حواليها تماماً
وطبعاً الأرض ليها ذكريات مع سقوط الكويكبات\ أشهرها اللي حصلت قبل 65 مليون سنة في العصر الطباشيري\ وكان عرضه 10 كيلومترات\ واللي العلماء بيعتقدوا إنه كان السبب الرئيسي في انقراض الديناصورات وتدمير 75% من النباتات والحيوانات ولو انه مؤخراً بعض العلماء قالوا انه سبب الانقراض مش كويكب\ المهم الفرضية بتاعت الكويكب بتقول انه تسبب بانبعاث كميات كبيرة جداً من الغازات والأتربة اللي حجبت الشمس ودخلت الأرض في فترات طويلة من البرودة
والحادثة الشهيرة اللي حصلت في روسيا سنة 2013\ لما كويكب صخري صغير عرضه 20 متر تقريباً\ واللي انفجر في الجو قبل ما يوصل الأرض\ إلا إنه اتسبب في تدمير واجهات مباني كتير واتسبب في إصابة المئات
خلاص الفيلم خلص نرجع لأرض الواقع بقا\ الخبر الحلو إن ناسا قالت إن الكويكبات اللي بتشكل تهديد حقيقي للأرض\ هي اللي بيكون عرضها كيلومتر واحد أو أكثر\ وإن أكبر خطر بيهدد الأرض هو كويكب عرضه 1.3 كيلومتر\ واللي هيعدي علينا بعد 861 سنة\ لا تخافوا ولكن احذروا

للمزيد من الفيديوهات تابعونا على موقعنا الرسمي: https://www.mohtawa.ae


تابعونا على:
ـــــــــــــــــــــــــــــــــــــــــــــــ
Official Website| https://www.mohtawa.ae
Facebook| https://www.facebook.com/mohtawaae
Twitter| https://twitter.com/mohtawaae
Instagram| https://www.instagram.com/mohtawaae
محتوى منصة تهتم بالشباب العربي المعرفي من مواضيع تشمل "علوم - ثقافة - اجتماع - فضاء - تاريخ - طب - صحة - لايف ستايل - فن - رياضة - أخبار - سياسة - برامج