الفيديو التالي


تجنب نحافه الوجه اثناء الرجيم - مع دكتور اسلام الطحان

17 المشاهدات
أحمد فتنس
0
نشرت في 09/17/20 / في العاب رياضية

تجنب نحافه الوجه اثناء الرجيم
اهلا بيكوا فى حلقه جديده مع دكتور اسلام الطحان وقبل م ابدا الفيديو اتمنى الشفاء لكل شخص مصاب بمرض ايا كان
.........................................
اولا حاجه لازم نفهم ان موضوع ان الوجه ينحف او يخس مع باقى الجسم ده شئ طبيعى مش لازم نقلق منه . لكن فى بعض الناس بتخاف على شكلها وفعلا احياننا الوجه بيخس بشكل كبير وبيكون المنظر مش كويس عموما . فعلشان كدا يلا نشوف حنعمل ايه

اول حاجه لازم نكتر من السوائل قدر الامكان وده لان السوائل ليها نسبه من وزن الجسم وبتاعد الى حد ما على الشعوربالشبع وبتخلصك من السموم اللى فى جسمك وبتخليك دايما عندك طاقه انك تكمل يومك وتكمل الرجيم بتاعك خصوصا بقى العصاير المفيده زى عصير الجزر مثلا

ثانى حاجه لازم نكتر من الالياف اللى هيا النباتات عموما لانها بتملى البطن وبساعد عل الهضم وحركه الامعاء وبتديك طاقه وكل ده من غير دهون خالص وكمان ملهاش ضرر على جسمك يعنى ولا حتتخن منها ولا حتتعب من كثرتها

ثالث حاجه لازم نظبط السعرات الحراريه اللى بناخدها كل يوم ونعرف السعرات الحراريه اللى فى الاكل اللى بناكل منه يعنى بمعنى اصح لازم نمشى على نظام غذائى مظبوط يحافظ على جسمنا عموما ومنحرمش نفسنا من الاكل . بمعنى اننا نظبط كميات الاكل ومواعيد الاكل بما يناسب السعرات اللى انتا محتاجها كل يوم.

اخر حاجه بقى اننا ممكن نعوض الدهون اللى نزلت ب اننا نزود حجم العضلات بتاعه الوجه . وده حاجه بسيطه وسهله لاننا حنعمل التمارين اللى حقول عليها دلوقتى فى اى وقت من اليوم ويفضل ان احنا نعملها 5 مرات يوميا . وطبعا زى محنا متعودين اننا بنزود المقاومه تدريجيا مع الوقت علشان نزود قوه العضله وده لما نحس طبعا ان العضله اصبحت اقوى من الاول .

أظهر المزيد
0 تعليقات sort ترتيب حسب

الفيديو التالي