اللبن واللى مش فيه _ المدلكاتى

هل اللبن يسبب سرطان ؟؟ 
اعداد: دكتور اسلام الطحان
.اللبن من العادات اليوميه اللى كلنا تقريبا متعود عليها وكتير مننا ميكملش يومه غير بيها سواء بكبايه اللبن او النسكافيه و القهوه الفرنساوى او علبه الزبادى و القشطه او الرز المعمر اللى سايح لبن وزبده وكل الحاجات اللى داخل فيها اللبن دى ولكن نفاجئ فى الفتره الاخيره بحلقه دكتور باسم اللى بيتكلم فيها ان اللبن بيجيب سرطان وطبعا كان كل اعتماده فى الحلقه على الخبير اللى قاعد معاه اللى عامل يقول ان اللبن بيجيب سرطان وبيزود من حده السرطان واننا مينفعش نشرب لبن خالص . لكن هل كلام دكتور باسم وكلام الخبير اللى معاه ده كلام علمى نثق فيه .... ؟؟؟ يلا بينا نشوف
……………………………………………………………….
فى البدايه خلينى اتكلم عن قوه الابحاث دى اساسا
اولا اى بحث بيدرس علاقه بين اكل معين ومرض معين بيقع تحت حاجه كدا بتتسمى فى الابحاث
observational studiesوده نوع من الدراسات اللى مش بيثبت ان المرض ده ناتج من الاكل ده ولكن بيوضح بس ان نسبه اللى بياكلوا اكل معين عندهم معدل المرض ده بيزيد ولا بيقل (فقط لا غير) وده ليه
ده لان فى متغيرات كتير فى الموضوع .. لان اكيد الشخص ده بياكل اكتر من نوع من الغذاء وبشرب من مصدر مختلف عن غيره ونظافه الاكل والشرب نفسها بتختلف من مكان للتانى وممكن اساسا يكون موضوع السرطان ده عنده وراثى ف علشان كدا الدراسات دى بتكون ضعيفه عن اى دراسه تانيه ومنقدرش ان احنا نعتمد عليها تماما لانها ضعيفه ومش بتحصل مع كل الناس بنفس الطريقه وكذلك مينفعش انها تتطبق على كل الناس وتدينا نفس النتايج
دى جذئيه
اما بالنسبه لاعتماد دكتور باسم على كلام الدكتور اللى معاه ف ده اساسا علميا اضعف حاجه اضعف الايمان زى ما بنقول اضعف حاجه فى الابحاث انك تعتمد على راى شخصى لحد معين حتى لو كان الشخص ده عالم. ليه!!
لان فى هرم كدا لقوه الابحاث بنحدد منه هل نقدر نعتمد فعلا على المعلومات المطروحه ولا لا . بنلاقى فيه ان ف اخر الهرم ده حاجه اسمها narrative review يعنى انك تعتمد مثلا على راى شخص ذو خبره ف ده زى ما قلت اضعف حاجه تعتمد عيها فى انك تطرح فكره معينه او معلومه جديده
................................................................
وكمان من الواضح ان فى دراسات تانيه بتعارض كلام دكتور باسم تماما ( يعنى بتثبت العكس )
فمين فيهم بقى صح ومين نعتمد عليه ؟؟
بصوا احنا لازم نشوف حاجه محايده وليها مصادر موثوقه وقويه تعرفنا فعلا هل اللبن بيسبب سرطان زى ما دكتور باسم والعالم اللى معاه بيقولوا ولا لا
(وانا لقيت المصدر ده بعد معاناه وبحث طويل فى الموضع)
والصراحه اللى عمل البحث ده عبقرى بمعنى الكلمه ومحايد تماما لانوا فصلنا الموضوع خالص وقالك انا علشان اعرف هل اللبن بيسبب سرطان ولا لا لازم الاول افرد كدا انواع السرطان قدامى واتكلم عن كل نوع لوحده واشوف النوع ده بيتاثر بمكون ايه فى اللبن بالظبط وقالك انا اساسا حعتمد فى دراستى انى اخد الحلو من هنا على الحلو من هنا واعمل بقى الحاجه اللى من الاخر
..........................
واتكلم فى البحث بتاعه على تاثير اللبن على 4 انواع من السرطان
سرطان الثدى
اغلب الابحاث بتقول ان مفيش علاقه بين اللبن وسرطان الثدى نهائيا بل ان بعض الابحاث بتقول ان منتجات الالبان بتحمى من سرطان الثدى ................ واخد بالك انتا
2)سرطان الجزء السفلى من الجهاز الهضمى
وده نوع من اشهر انواع السرطان اللى بتحصل حولين العالم
قالك بقى ان اغلب الدراسات وخد بالك معايا من الكلام بيتقول ان منجات الالبان بتقلل خطر الاصابه بالنوع ده من السرطان
3)سرطان المعده
لقينا بقى ان مفيش ابحاث توضح ان فى علاقه بينه وبين منتجات الالبان خالص
4)سرطان البروستاتا
(ده اكثر نوع سرطان بيحصل فى اوروبا و شمال امريكا )
وده بقى النوع الوحيد اللى اتقال ان اللبن بيزود من حدته بس احنا بنتكلم كلام علمى فلازم نفصل اكتر
ايه بالظبط فى اللبن بيزود من معدلات السرطان
الكالسيوم مثلا؟؟؟
قالك ان دراسه واحده بتقول ان الكالسيوم ممكن يسبب سرطان ودراسه تانيه بتاكد وبقوه ان مفيش علاقه بينهم خالص
طيب بالنسبه للهرمون اللى اسمه
Insulin like growth factor 1
(IGF1)
قالك ان ده بيزود من حده النوع ده من السرطان لو كان السرطان ده موجود اصلا
طيب بالنسبه لهرمون الاستروجين
قالو ان الهرمون ده موجود فى اللبن طبعا وجاى من الجموسه بكميه وقالوا ان الهرمون ده بيعمل تحفيز للنوع ده من السرطان
فمن الاخر لو عندك سرطان بروستاتا متشربش لبن انما لو انتا شخص طبيعى معندكش حاجه فاللبن مش بيسبب سرطان ولا حاجه وكلام دكتور باسم وغيره فى النهايه طلع هرى وشو اعلامى فقط لا غير
واللى ياكد كلامى ان موقع plant b بتاع دكتور باسم واللى معاه نفسه بيقول
( تم تصميم هذا الموقع للتكمله وليس للاستعاضه عن العلاقه بين المريض والطبيب. هذا الموقع اغراضه اعلاميه فقط ولا يقصد من هذه المعلومات ان تكون نصيحه طبيه او تشخيص او علاج
بس انا مش مكمل امال دكتور باسم عمال كل حلقه يقولك جرب النظام بتاعى ده بيعالج من امراض مزمنه وبيغير حياتك على اساسا ايه مش فاهم
الصراحه يعنى احسنتم جميعا يعنى انا لو دخلت النظام بتاعكوا كانى رميت نفسى فى البحر . لو بعرف اعوم حعيش لو مش بعرف حموت .
من النهايه اللبن مش باين انوا مضر للشخص العادى وان حتى مفيش خلاف عليه لان زى م شوفنا الابحاث اللى معتمدين عليها الناس دى ضعيفه ومش مفصله وخصوصا انوا كان موضوع جدالى
بس بعد الفيديو ده طبعا خلاص عرفنا زتونه الموضوع
وكدا خلاص انا رضيت ضميرى وحسبلكوا فى الوصف تحت مصادر الكلام اللى انا قلتوا
علشاتن تتخانق معاها ومتجيش تتخانق معايا
(مصدر المعلومات االمطروحه)
https://www.healthline.com/nut....rition/dairy-and-can
#مع_دكتور_اسلام
#المدلكاتى
#خرافات_طبيه