اسامه القصار لوبستر استاكوزا محشيه مشروم وباشميل وجبن thermidor

مساكم الله بالخير اخواني المتابعين وعسى الله يرزقكم الصحه والعافيه أمين طبخه جديده وفاخره جدا اهي طبخة ام الربيان استاكوزا او كابوريا محشيه بالباشمل مع الجبن المزرولا والمشروم او ما تسمى بالفرنسي بالثرامادور جاتني هديه من اخوي جاسم السالم من عمان طبخه تقدم لكم وللضيوف الأعزاء والعزيزين عليكم الطريقه تجيبون حبتين ام الربيان كبيرة الحجم وتغسلونها بالماء الفاتر وتنزلونها في ماء مغلي مع الملح والزيت وقطع الزنجبيل لإزالة الزفر مدة الطبخ من ١٥ الى ٢٠ دقيقه وترفعونها وتتركونها تبرد وتفتحونها بالمقص وتخرجون اللحم من بطنها ولاترمون قشر ام الربيان احتفضو فيه وتحضرون لها حمسه جميله من الزبده والبصل الابيض والمشروم والفلفل الأسود والأويستر سوس ويحمس كله مع بعض واخر شي انزل على الحمسه ملعقتين كبار من الباشميل الجاهز المطبوخ واحمسه مع المكونات واحشي فيه قشر ام الربيان الي فضينها من اللحم وانزل عليها ملعقه كبيره باشميل وفوقه جبن المازارولا وادخلها الفرن حرارة ١٨٠ من فوق تتحمر عشر دقايق وتقدم للضيوف اكله فاخره جدا وطعمها جميل اذا عجبكم المقطع لاتنسوني باللايكات وبالكومنتات الي عودتوني عليها وسهمكم العافيه