ارحمنا يابو العريف - علوميديا

كورونا كدبة.. اللقاحات خدعة.. إيلون ماسك هيجننا..
بيل جيتس عايز يحتل المحور الأرض مسطحة
ناسا ماطلعتش القمر آخر موضة مافيش جاذبية
قايمة طويلة عريييضة من نظريات المؤامرة في حياتنا مابتنتهيش
أحيانا كده تجيلك لحظات تحس إن الكون كله متآمر ضدك
فجأة تحس إن كل الناس أشرار حتى الأحلام اللي بتحلمها مستقصداك
سواق التاكسي زمايلك في الشغل عاملين مكيدة ضدك
إخواتك لقوك على باب جامع
المصيبة بقا إن نظرية المؤامرة دي مش كلمة ترند ظهرت في حياتنا فجأة
لأ دي نظرية محترمة معتبرة ليها اتباع ومروجين كمان
العلماء احتاروا وحاولوا يلاقوا إجابات فقرروا يدرسوا عقلية الأشخاص دول
ويعرفوا إيه اللي بيدور جوه دماغهم وقالوا يمكن في صفات بتجمعهم معتقدات
بحسب تفسير البروفيسورة كارين دوغلاس من جامعة كنت البريطانية
قالت إن الناس بيختاروا إنهم يصدقوا
نظريات المؤامرة عشان يلبوا احتياجاتهم النفسية
اللي مالقتش حد يلمها "تردد" قصدي يلبيها
الاحتياج للمعرفة يعني الشخص ما بيستحملش شعوره إنه يكون جاهل
حتى لو مكانتش المعلومات الكاملة لسه متوفره
الاحتياج للشعور بالأمان أحس كده براحه نفسية وأنا عارف كل المعلومات
الأبحاث أظهرت إن النوعية دي من الأشخاص
بيصدقوا نظريات المؤامرة لما بيحسوا بالعجز أو القلق
فيبدأ يدور على إجابات لمخاوفه عشان يطمن نفسه
قال يعني بيحافظ على نظرته الإيجابية للأمور
في كمان بعض الأشخاص عندهم نزعة فطرية نرجسية للتفرد والتميز
التميز دا بيتحقق لما يحس كده أنه عنده معلومات نادرة
أو تفسيرات سرية لبعض الأحداث العالمية
بحسب دراسة تانية نشرتها مجلة Social Psychology العلمية
عن السمات الشخصية للمقتنعين بنظرية المؤامرة
ولقت إن في فعلاً صفات بتجمعهم
زي الشك والخداع والاستغلالية والانفتاح على التجارب الجديدة
زي أزمة كورونا اللي تعتبر جديدة على العالم
اكتشفت كمان إن الأشخاص دول بيكونوا عادة منعزلين
عشان كده بيلجأو لشبكات الانترنت لنشر أفكارهم
كطريقة يلاقوا بيها أشخاص يقتنعوا بأفكارهم الغريبة بدون مواجهة
التنشئة كمان ليها دور في تشكيل نظرة الفرد للعالم
بحسب دراسة اتنشرت سنة 2018 في دورية "الشخصية والاختلافات الفردية"
يعني مثلاُ الأفراد الأشخاص اللي أهاليهم مانجحوش
في بنا علاقة عاطفية إيجابية سليمة معاهم وهما صغيرين
بيكون عندهم استعداد أكثر لتأييد نظريات المؤامرة عن غيرهم
دا طبعاً بالإضافة للاتجاه الفكري لكل لشخص
واللي بيأثر على معتقداته بشكل كبير
وبغض النظر عن إن التفسيرات بتبقى تافهة أو مضحكة
إلا إنها بتعتمد على كلام الأشخاص اللي بيؤمنوا بيها وبيروجوها
مش على دلائل علمية مثلاً عشان كده أول ما تسمع خبر من شخص
وتلاقيه عنده نظرات شك وارتياب ومؤامراات خد بعضك وقوم أجري
أما بالنسبة لصحابنا التانين بالله عليك ياشيخ بالله عليك
بلاش تعمل فيها أبو العريف وإنك شغال خبير عام
مساعد سكرتير أول مسؤول المخابرات الأمريكية

للمزيد من الفيديوهات تابعونا على موقعنا الرسمي: https://www.mohtawa.ae

تابعونا على:
ـــــــــــــــــــــــــــــــــــــــــــــــ
Official Website| https://www.mohtawa.ae
Facebook| https://www.facebook.com/mohtawaae
Twitter| https://twitter.com/mohtawaae
Instagram| https://www.instagram.com/mohtawaae
محتوى منصة تهتم بالشباب العربي المعرفي من مواضيع تشمل "علوم - ثقافة - اجتماع - فضاء - تاريخ - طب - صحة - لايف ستايل - فن - رياضة - أخبار - سياسة - برامج