اخرج من منطقة راحتك | التحدي الثاني #اخرج_منها

الخروج من الكومفورت زون ببعض الحالات ممكن يكون بوضع أنفسنا في موقف ممكن يتم رفضنا فيه.. مثلا لما واحد ياخد خطوة ويروح يقدم على منحة ما أو استثمار بفكرة وهو عارف انه على الأغلب رح ينرفض بكون عم بطلع من الكومفورت زون تبعته لكن في النهاية بعد العديد من حالات الرفض, آخرته يوصل للقبول وهاد الشعور بالنجاح شعور رهيب جدا.. الناس العاديين ما بحبوا يعرضوا أنفسهم لهاي المواقف أصلا عشان ما يتم رفضهم, شيء مريح جدا لكن إذا ما وضعنا أنفسنا في هذا الموقف ما رح نتطوّر أبدا..

عشان هيك التحدي الثاني من تحديات #اخرج_منها هدفه التعرّض للرفض والتعامل معه بروح رياضية.. التحدي هو التالي:
تصور سيلفي مع شخص عشوائي كبير بالعمر وخليه هو يصور الصورة! وعشان يكون التحدي مفيد أكتر وأكتر حاول إختار الأشخاص اللي عالأغلب رح يرفضوا..
أنا بالأول فكرت الموضوع سهل, نزل على وسط البلد وصرت الف ساعة وأنا خايف أطلب من حدا أتصور معه (مش سهل تطلب من حدا كبير تاخد سيلفي معه خصوصا ببلد مش عارف تحكي لغتهم أصلا 😂), بعدين طلبت من ٢ وما رضيوا والموضوع صار بخوف أكتر, بالآخر العمّو اللي بالصورة وافق نتصور, طلعت ناسي الميموري للكاميرا بالبيت 😂 طلت الموبايل وخليته يصورنا فيه..
هاد التحدي بعكس التحدي الأول فيه تعامل مع الناس وفيه احتمالية للرفض مما يجعله صراحة كتير أصعب حتى علي أنا, بس لما طلعت بهاي الصورة (مع انها كتير سيئة) كيفت كتيييير لإنه إنجاز انه الواحد بعد عدة حالات رفض يوصل للقبول وكذلك الوضع في الحياة العملية 😌
#اخرج_منها #ما_أنا_بخارج