مين قالك تسكن في حارتنا - شادية | Meen Alak Teskon fi Haretna - Shadia

ةأغنية - مين قالك تسكن في حارتنا
غناء: شادية
كلمات: حسين السيد
ألحان: محمد الموجى

تابعونا عبر حسابات #روتانا_كلاسيك على مواقع التواصل الإجتماعي...

https://www.facebook.com/RotanaClassic/
https://twitter.com/RotanaClassic
https://www.instagram.com/rotanaclassic/

كلمات الأغنية:

مين قالك تسكن فى حارتنا تشغلنا وتقل راحتنا

ياتشوف لك حل فى حكايتنا يا تعزل وتسيب حتتنا

شوف حبك عامل إيه فيه من يوم ما سكنت وجيت جنبي

لا أنا عارفة أتلم على عنيا ولا عارفة حاجة عن قلبي

حبيتك أيوه أنا مش ناكرة

والحب عذاب وإنت أدرى

إنت اللى زرعت الشوك فى بيتنا وعلى باب بيتنا

يا تشوف لك حل فى حكايتنا يا تعزل وتسيب حتتنا

ييجي أبويا يعوز فنجان قهوة أعمله شاي واسقيه لأمي

وخيالك بيجي على سهوة مافرقشي بين خالتي وعمي

أخرتها إيه أنا مش عارفة

وحاترسى لإيه والله أنا خايفة

خايفه لتروح يوم وتسيبنا والعقل ما فيش غيره حيلتنا

يا تشوف لك حل فى حكايتنا يا تعزل وتسيب حتتنا

تشاور لي أنزل وأقابلك يا خي بعدك بيتنا ماهو جنبك

لو جيت أبويا حيفتح لك خد وادي معاه أفتح قلبك

ومافكش حاجة بتعيب لما يسألني رح أقول طيب

النور ينقاد حوالين بيتنا داير ما يدور فى بلكونتنا

يا تشوفلك حل فى حكايتنا يا تعزل وتسيب حتتنا.