شرايها عليا؟ حلقة

شرايها عليا؟ حلقة "طفلي ما ياكل" ShrayhaAlia - Fussy Eaters

حلقات شرايها عليا؟ المطولة مع أخصائية التغذية علياء المؤيد
كما عرضت على تلفزيون البحرين


شرايها عليا؟ تغذية الطفل الصعب
ShrayhaAlia - Fussy Eaters

تخيلوا معاي هذي المشهد :

الأم تطبخ وجبة للعشاء.
تحط الأكل على الطاولة.
الطفل يتغير وجهة و يدز الصحن بعيد عنه
ما عاجبه الأكل ، بدون ما حتى يجربه

الأم تتضايق.
تحس انها وحيدة في هالمشكلة
تشعر بالإحباط و خيبة الأمل 
و يمكن حتى بالإكتئاب و الفشل 

الحين تخيلوا معاي مشهد ثاني: 

هذه الأم عندها عيال أكبر 
كل واحد يحب ياكل الشي اللي يحبه 
واحد يحب يطلب من المحل الفلاني 
الثاني يبي طبخة معينة
الثالث يبي خبز و بيض 
و بعدين يجي الزوج و هو بعد عنده متطلبات معينة 

و تبدأ المشكلة - المشكلة اللي انا اسميها مشكلة ال "فود كورت المنزلي"
منزل واحد و أكلات مختلفة على ذوق كل شخص. 
ما صار بيت ، صار مطعم!

و أصعب شي 
ان حتى اصغر أطفالها اللي المفروض انه يكون للحين تحت أمرها 
صاير عصبي و قت الأكل 
و الخيارات اللي يرضى بها قاعدة تصير أقل و أقل 

الأطفال اللي صعبين وقت الأكل نسميهم fussy eaters
انا حتى مؤخراً بديت اسميهم " الأطفال البيض" 
ليش ؟ مو لأن بشرتهم بيضاء
لكن لأن الأكل اللي يرضون يأكلونه كله من مشتقات الأبيض و البيج
رز، خبز، حليب، روب، دجاج، سمك، باستا، موز...
اكل متشابه اللون و الخيارات جداً قليلة

اذا عندكم اطفال من هالنوع، تابعوا معانا حلقة اليوم عشان تعرفون أكثر 


Shrayha Alia long episodes as seen on BTV
This episode is about natural ways for anti-ageing
www,ShrayhaAlia.com