تمارين لتخسيس دهون البطن في المنزل بدون أدوات

دهون البطن من الحجات المزعجة اللي بتسبب توتر وقلق لمعظم الأشخاص الرياضيين وحتي الاشخاص العادية اللي ملهومش علاقة بالرياضة ، وانا من خلال الفيديو ده هقولك علي اهم التمارين لتخسيس وشد البطن في البيت بكل سهولة وبدون أدوات ،فلو كانت مشكلتك هي دهون البطن ،تابعي معايا الفيديو ده ومتنسيش تعملي لايك واشتراك في القناه وفعلي زر الجرس عشان يوصلك كل فيديوهاتنا .

خليني أوضحلك ف البداية أن دهون البطن هي دهون بتتراكم بين الأعضاء وحواليها زي المعدة والأمعاء وبينتج عن التراكم ده سموم بتأثر بالسلب علي عمل الاعضاء دي وبيخليها متقدرش تقوم بوظائفها الحيوية بشكل سليم وبالتالي بيخليكي عرضة لكتير من الأمراض زي السكر وأمراض القلب وغيرها .

يعني بإختصار دهون البطن مش بس مشكلتها في ان شكلها مزعج , بالعكس دي ممكن تكون أبسط المشاكل , لكن خطورتها في انها بتعتبر مخزن لأمراض كتير زي اللي ذكرتهالك . فلو حابة تبعدي عن كل المشاكل دي وتفقدي دهون منطقة البطن , لازم تعملي نظام غذائي غني بالألياف , وتبعدي عن السكر الابيض والسكر اللي موجود في المشروبات الغازية , والقهوة الباردة , أو ممكن تبدلي السكرالأبيض بسكر دايت , وكمان الوجبات السريعه لانها بتكون مليانه سكر ودهون غير صحية.

بالإضافة طبعا لممارسة الرياضة ، يعني علي الأقل فضي نص ساعه من يومك كل يوم وخصصيه للرياضة ف البيت اي تمارين سهله وبسيطة أوحتي تنزلي تتمشي , المهم تعملي اي نشاط يساعدك علي الحركة , ويكون جزء من روتينك اليومي .

وطبعا كلنا سمعنا وبنسمع ديما عن تخسيس البطن بالاحزمة الحرارية أو البدل الحرارية في إعلانات التليفزيون أو الانترنت , وده كلام غير صحيح وبيكون دعاية اعلانيه وعرض منتجات وبس , يعني مفيش غير نظام تغذية صحي وتمارين البطن والكارديو ,هما دول المفتاح لحرق السعرات وتقليل الدهون في منطقة البطن .