تمارين بطن لرجوع عضلات البطن لطبيعتها و اختبار انفصال عضلات البطن وعلاجه في المنزل

فيه طريقتين تعرفي منهم اذا كان عندك انفصال فى عضلات البطن ، اللى غالبا بيحصل بعد الولاده او بعد زياده الوزن .

الطريقه الاولى / انك تعرفيه بالشكل الخارجى لبطنك .. بصي فى المرايه على بطنك.. لو لقيتي فيه فراغ دائري ظاهر عن منطقه السره.. دا بيكون نتيجه لانفصال عضلات البطن وتباعدها عن بعضها .. ودا بيبقى ظاهر بالعين فى الحالات المتقدمه.

الطريقه التانيه/ ودي الطريقه الأدق اللى هتعرفي بيها وجود الانفصال العضلى .. ودا بيكون عن طريق اختبار بسيط جدا تقدرى تعمليه لنفسك ...
فى الاختبار دا هتنامى على ظهرك ، وتكونى تانيه رجلك وفي حاله استرخاء تام ، وبعدين أضغطى بصباعك عند منطقه السره ... وببطىء جدا إرفعى راسك لأعلى كأنك بتعملي تمرين كرانش.. لحد ما تحسى عضلات بطنك ..
اول ما تحسها قيسى بصوابعك لو فيه فراغ او مسافه بين عضلات البطن ...
لو المسافه بينهم تدخل مقدار صباعين (يعني حوال ٢ سم )او اكتر يبقي إنتى كدا عندك انفصال فى عضلات البطن ..
لكن لو المسافه اقل من كدا .. أو العضلات ملتصقه ببعضها ومفيش فراغ بينهم.. فإنتى كدا طبيعيه ومش بتعانى من انفصال فى عضلات البطن ..

الاختبار دا هتكرريه تاني... بس وانتى ضاغطه بصباعك فوق منطقه السره عند عضلات بطنك العلويه وتقيسى المسافه برضه ..

ومره كمان وانتي ضاغطه تحت منطقه السره عند عضلات بطنك السفليه وبرضه هتحددى المسافه بينهم بنفس الطريقه ...
_______________
عشان تتخلصي تماما من المشكله دي..
يبقي لازم تعرفي السبب اللى عملك انفصال فى عضلات البطن
وكمان التمرين اللى هتعمليها ..
والتمارين اللى لازم تتجنبيها لحد ما عضلات بطنك ترجع لوضعها الطبيعي بدون انفصال.
وكل شئ ليه علاقه ب انفصال عضلات البطن بعد الولاده او بعد الوزن الزائد شرحتهولك داخل الفيديو