أشياء يوميه بسيطه تحول شكل الجسم ١٨٠ درجه في البيت

قواعد لتحويل شيب الجسم ١٨٠ درجه في البيت
------------------------------
- اكلك ممكن يضيع كل مجهودك في التمرين وممكن يوصلك للبرفكت بدي في وقت قصير جدا
مش هذكر اسامي انظمه غذائيه بعينها لأننا بنستهدف عموما فكرة اللايف ستايل فكرة ان حياتك تتحول بشكل بسيط لحياه صحيه بدون مجهود وتعب وحرمان
فهقول لك الاساسيات في الاكل وانتي واحده واحده طبقي اللي هقوله وهتلاقي حياتك كلها بتتغير للافضل بدون حرمان وتعب ،
الإلتزام بالاكل الصحي بيبدأىمن الشوبينج بيبدأ من وانتي في السوق بتشتري اغراض البيت
خليكي حريصه جدا في انك تختاري الاكلات الصحيه بمعني انك بدل ماهتشتري لتر بيبسي هتشتري فواكه وتعمليها عصير فريش في بيتك
وبدل ماهتشتري ازازة زيت هتجيبي سبراي بالم تستخدميه كوسيله للطبخ
وتشتري بقي الاكلات اللي فيها بروتين كتير زي صدور الدجاج واللحوم والبيض والاسماك وطبعا الخضروات الورقيه دا شئ اساسي
المهم انك تكوني حريصه جدا في انك تشتري الاكل الصحي ، لأن احنا بشر وبنغلط وهنغلط ف طول مافيه اكل غير صحي في التلاجه اكيد هاييجي الوقت اللي هناكله فيه
فمن البدايه نمنع دخول الحلويات والمشروبات الغاذيه للبيت من الأصل .
--------------------------------------
_ تحويل شيب الجسم
مش مهم يكون وزنك ٦٠ او وزنك ٩٠ المهم يكون شكل الجسم متناسق
ودا بنعمله ببساطه جدا لو مختارين نظام تمارين يناسبنا ، يعني ماتبقيش عندك مشكله في حجم الجزء السفلي من جسمك وشغاله تمارين فول بدي فوق زي تحت
لو جسمك من تحت نحيف انتي بتتمرني بأوزان اعلي علي العصلات اللي تحت بحيث تنمو اكبر من غيرها بتتمرنيها بشكل افضل مش بتكرارات او ايام متتاليه اكتر
--------------------------------------------------
_ وفري لعضلاتك الاحماض الامينيه علي مدار ال 24 ساعه
العضله بتتكون من احماض امينيه
الاحماض الامينيه موجوده في البروتين والبروتين موجود في مصادر اكل مختلفه منها النباتي ومنها الحيواني
ودي اهم مصادر تقدري تجمعي منها بروتينك اليومي
صدور الدجاج
اللحم الاحمر
لحم الديك الرومي
البيض خاصة البياض
والاسماك خاصة التونه
العدس
الفول
الفاصوليا
هتاخدي يوميا ٢ جرام لكل كيلو من وزنك لو وزنك ٦٠ خدي ١٢٠ وهكذا
وبكدا تضمني انك وفرتي للعضله الماده الخام لبنائها ، البروتين فيه تفاصيل ومعلومات كتيره بس خلينا نتكلم عن الاساسيات فس الفيديو دا وماندخلش في تفاصيل ممكن تعقد الناس
----------------------------------------------
_ تمرينك في البيت او في الجيم مش فارق كتير
تمرينك في البيت زي تمرينك في الجيم زي تمرينك في اي مكان في العالم , الفرق هيكون في الجوده وحجم الاوزان والاداء الصحيح
يعني فيه ناس في البيت هتتمرن افضل من ناس بتروح الجيم وفيه ناس في الجيم بتتمرن افضل من ناس بتلعب في البيت
المكان مش مقياس وحتي الادوات ماهي الا وسيله , لكن الاداء الصحيح للتمرين والزياده في المقاومه تدريجيا كل فتره هايكونو العامل الحاسم
معانا ناس بتتمرن في البيت ولا مره راحو الجيم وعاملين جسم ممتاز
والعكس صحيح
------------------
_ المكمل الغذائي المناسب لحالتك
غالبا مش هتحتاجي فيي البدايات مكملات غذائيه غير الكرياتيين
الكرياتين ءامن تماما للرجال وللنساء وهو اهم مكمل غذائي
في حالة انك مابتقدريش تاكلي بروتين كتير خلال يومك , اشتري واي بروتين
-----------------
_ دور النوم في بناء العضله لا يقل اهمية عن التمارين
النوم الجيم مش انك تنامي في وقت معين وانك تصحي في وقت معين بس
لا جودة النوم نفسها مهمه لعمل استشفاء للعضله
جسمك بيفرز هرمونات وبيرمم الخلايا التالفه اثناء النوم العميق المتواصل
اهتمي جدا بفكرة انك تنامي نوم جيد وفري لنفسك الجو المناسب , بمعني اقفلي الموبايل لو بيصحيكي , ضلمي الغرفه لو بتضايقي من الضوء , وهكذا
المهم تنامي كويس جدا وبالبلدي كدا لازم تشبعي نوم
-------------
_ التمرين
هتمرني جسمك بشكل مستمر ، اي ان كان مستوي تمرينك اي ان كانت الاوزان اللي هتقدري ترفعيها
المهم ان العضلات تشتغل
ودول اشهر تلات أنظمه مناسبين للتمرين في البيت ، اختاري منهم النظام اللي يناسب مستوي لياقتك وقوتك البدنيه
اولا : نظام فول بدي (هشرحهولك بمنتهي الاختصار)
ودا عباره عن تمرين جميع عضلات جسمك خلال تقريبا ساعه ، النظام دا متاسب للناس اللي بتستهدف حرق كالوريز كتيره ومناسب للمشغولين
بتتمرني فيه تمرينتين لكل عضله كبيره - العضلات الكبيره هي ( صدر - ظهر - رجل )
وتمرينه واحده للعضلات الصغيره والعضلات الصغيره هي ( اكتاف - تراي سيبس - باي سيبس - سمانه - بطن )
وبتتمرني التمرينه دي يوم وترتاحي يوم او تتمرني يوم وترتاحي يومين ، الموضوع هيختلف حسب مستواكي ، انصحك بالنظام دا لو بتمري بمرحلة حرق دهون وتقليل في الوزن .
النظام اسمه full body workout لو حبيتي تبحثي عنه .
ثانيا نظام : upper and lower
مفيش فرق كبير بينه وبين نظام فول بدي ، بتتمرنيه يوم وترتاحي يوم
بس بتتمرني نص الجسم فقط
بنقسم الجسم لنصين جزء علوي (صدر و اكتاف وتراي سيبس وباي سيبس وبطن وظهر )
وجزء سفلي ( مؤخره وافخاد وسمانه وقطنيه ) ودا يناسب الحالتين اذا كنتي بتحرقي دهون وبتقللي وزنك او بتضخمي وبتعملي بالكينج وطبعا الفرق هايبقي في النظام الغذائي
ثالثا واخيرا نظام البرو سبليت
وهو تمرين عضله كبيره وعضله صغيره
ودا مناسب اكتر للمتقدمين ، لانه بيعمل ضغط كبير علي العضله لان طول التمرينه انتي بتضغطي عضلتين فقط ، عكس النظامين اللي قبله
فلو كنتي متقدمه وقلبك جايبك اتمرني بالشكل دا
صدر مع تراي
وظهر مع باي
وكتف مع بطن
ورجل وسمانه
وطبعا مش محتاجه انبه ان اللي هيحسم موضوع التضخيمم او التنشيف هو نظامك الغذائي
--------------------------------
_ اهم 5 تمارين ممكن تبدئي بيهم في البيت