لا بزنس بدون سيستم

السيستم او النظام معناه الالتزام بخطوات محددة و مرتبة للانتقال من النقطة الف للنقطة ب
يعنى في تصنيع منتج زى الأثاث مثلا ممكن المصنع يبدا بالتصميم و بعدين تحديد الخامات من خشب و قماش و جلد الخ
بعدين شرا الخامات و بعدين تجهيز و قص الخشب و بعدين التركيب و الفنيش
ينفع تركيب القماش قبل تجهيز الخشب لا
طب السيستم ده مطلوب في الصناعة بس لا حتى الخدمات محتاجة لسيستم لو عندك مطعم او كوفىشوب اكيد عندك وصفات معينة لعمل الاطباق و المشروبات بمقادير و خطوات محددة
مش بس كده كمان إجراءات التعامل مع الزباين من الترحيب بيهم و توجيههم لترابيزاتهم لاخد الطلبات لنزول السلطة و الشوربة لحين تجهيز الاطباق الرئيسية كل ده في تسلسل محدد
حتى في الاشغال الذهنية زى الحسابات او الوب ديزاين كل حاجة لها خطوات محددة
و بالرغم من ان الكلام ده بديهى لكن فيه ناس كتير مش بتلتزم بالسيستم في شغلها يعنى بيسيب الخطوات للعمال او الموظفين بزعم الحرية والكرياتيفيتى