حرق دهون الذراع - رجيم و نظام تمارين في البيت لشد الدراع وحرق الدهون - نظام غذائي مناسب للجميع

عشان نحرق دهون من اي منطقه في جسمنا مش بس الذراعين لازم نقلل نسبة الدهون داخل الجسم بمعني ان لو نسبة الدهون في جسمك 30% ننزلها ل 20 ولو نسبة الدهون 20 ننزلها ل15 وهكذا
- يعني هو مافيش نسبة دهون ثابته لما اوصل لها مالاقيش دهون في دراعي؟ الاجابه اه مافيش , وممكن جدا بنت يكون نسبة الدهون في جسمها اقل من نسبة الدهون في جسم بنت تانيه بس اللي عندها دهون اقل عندها دهون في الذراع
- طب ازاي دا بيحصل ؟
دا شئ جيني بيرجع لعوامل وراثيه مانقدرش نتحكم فيها للأسف , ممكن يكون جسمك نسبة الدهون فيه قليله جدا لكن فيه دهون في الدراع وممكن جسم تلاقي عنده نسبة دهون عاليه لكن مافيش دهون في الدراع
طب ايه الحل ؟ ايه الطريقه الصحيحه اللي تخلينا نوصل لمرحلة تنشيف دهون وشد للدراع بنفس الوقت ؟
الحل الطبيعي الوحيد هو انك توصلي لاقل نسبة دهون ممكنه مع اعلي نسبة عضلات ممكنه
- ممكن بنت مبتدئه تسمع الكلام دا تتخيل ان ممكن يظهرلها عضلات زي الرجاله - لا ماتخافيش اجسامنا كبنات مختلفه تماما عن الشباب ومستحيل يطلعلك عضلات ناشفه زي عضلات الولاد طول مانتي بتتمرني وتاكلي طبيعي
واللي بتشوفيهم عاملين عضلات شبه الولاد دول واخدين هرمونات ذكوريه "تيستوستيرون " عن طريق الحقن ودا بيحول جسمهم من طبيعته الانثويه لطبيعه ذكوريه عشان يدخلو بطولات احنا مالناش دعوه بيها خالص
-
طب ايه هيحصل لما جسمك يبني عضلات طبيعيه بالاكل والتمرين الطبيعي ؟ هايحصل اللي كل بنت بتحلم بيه وهو الجسم الكيرفي المشدود والجلد اللي فيه نضاره وكمان لياقه بدنيه وصحه جيده
-
طيب نرجع لموضوعنا وندخل علي التطبيق العملي - اعمل ايه في البيت عشان اقدر اوصل لذراعين مشدودين ومافيهومش نسبة الدهون العاليه ؟
هنعمل حاجتين - هناكل صحي - وهنتمرن في البيت كارديو نحرق بيه دهون - ومقاومه للذراع نشد بيها الجلد والعضله
-
اول حاجه هنعملها هي اننا هنظبط اكلنا ونحوله من اكل غير صحي لاكل صحي مع وجود عجز في السعرات
يعني ايه عجز السعرات دا ؟ يعني هنقلل اكلنا عن الكميه اللي جسمنا محتاجها يوميا
عن طريق اننا هنحسب سعرات جسمنا ونقلل 500 سعر عن اللي محتاجينه في يومنا يعني لو جسمك هيحتاج 2000 سعر هتاكلي 1500 بس
-
تنبيه :
مهما عملتي وشوفتي وصفات وخلطات وكريمات وادوية تخسيس مش هينفعك الا عمل عجز سعرات لجسمك "اسمعي مني وماتضيعيش وقتك علي الخرافات"
-
كمان ماتفضليش متشتته بين انظمة الرجيم ومهووسه بالدايت الفلاني ومؤمنه ان فيه دايت معين بيوصل لنتائج افضل من دايت معين , لا دا كلام غير صحيح
- الفكره كلها في التطبيق والاستمرار علي نظام معين وتطبيق قواعده مظبوط
-
جميع انظمة الريجيم اللي بتجربيها معظمها فكرتها عمل "عجز سعرات" يعني مش هيفرق كتير نوع النظام الغذائي اللي هتمشي عليه اهم حاجة يكون محسوب سعرات وصحي متوازن
ووالاهم من دا كله تبقي نفسيا مرتاحه ليه مش كرهاه مش حاسه انك بتعملي عمل شاق
-
طيب ازاي هتحسبي سعرات جسمك اليوميه ؟ الطريقه سهله جدا جدا
هتدخلي علي الرابط الموجود في اول تعليق تحت الفيديو دا وتدخلي طولك ووزنك وسنك ونشاطك اليومي وتضغطي احسب
هايطلعلك سعراتك اليوميه - نقصي 500 من الرقم اللي ظهرلك
وبعد ما تعرفي احتياج جسمك من السعرات الحرارية
هتعرفي السعرات الحرارية اللي فالاكل بدقة وبسهوله من اول تعليق تحت الفيديو حطالك فيه سعرات كل 100 جرام من جميع اصناف الاكل
وبكدا بسهوله تعرفي جسمك دخله قد ايه
- لو مش متاح ليكي حاجه خالص تقدري ترقصي زومبا في البيت رقصه ممتازه وبتحرق سعرات عاليه جدا وهسيبلك فيديو في اول تعليق لرقصة زومبا تقدري تعمليها في البيت
- بيجيلنا سؤال بيتكرر كتير عن الكارديو وهو ايه مدة الكارديو المناسبه ليا ؟
الاجابه باختصار ان مدة الكارديو المناسبه لجسمك هي المده اللي تقدري تعمليها - يعني لو انتي لياقتك البدنيه عاليه وتقدري تجري ساعه يبقي مش هايناسبك تجري عشر دقايق ولو لياقتك البدنيه ضعيفه ولساكي مبتدئه فأقل كارديو هايكون مناسب - المهم تحطي لنفسك تارجيت يومي عشان تزودي عليه تدريجيا
بمعني انك لو جريتي السبت 10 دقايق حاولي تخليهم 11 دقيقه يوم الحد
لو بترقصي زومبا نص ساعه حاولي تزوديهم في اليوم التالي وهكذا وبكدا جسمك يستمر في الحرق بشكل فعال جدا وكمان لياقتك وقوتك البدنيه تزيد
علي الاقل اتمرني مقاومه ولو يومين لتلاته خلال الاسبوع ولكن مهم يكونو ايام متفرقه بمعني انك لو اتمرنتي النهردا مقاومه خدي بكره راحه لازم تخلي فترات راحه بين تمارين المقاومه علي عكس الكارديو اللي الاستشفاء بتاعها سريع جدا وممكن تتمرنيها يوميا حسب لياقتك البدنيه
شوفو نظام التمارين في الدقايق الجايه وماتنسوش تعملو لايك للفيديو وتشاركوه مع صحباتكو عشان يستفيديو واستنونا في الفيدو القادم
#حرق_الدهون
#رجيم
#نظام_غذائي
#دايت
#تماري_الذراع
تمارين شد الذراعين