ازاي اعمل شيب

عشان تكبري جزء معين من الجسم وفي نفس الوقت يبقي عندك بطن نحيفه ، هتحتاجي تعملي ( كلين بالك )
والترجمه الحرفيه للمصطلح دا هي تضخيم نضيف ، يعني تزيدي عضلات صافي بدون ماتزيدي دهون
ودا شبه مستحيل في مجالنا ،
لان اي زياده في الكتله العضليه لجسمك لازم هيبقي معاها زياده في نسبة الدهون ،
فلو انتي الجسم النحيف اللي مافيهوش بطن ولا اجناب ، ونسبة الدهون فيه قليله ،
نظام الكلين بالك مش هايبقي مناسب لحالتك ،
لانه للاسف بطئ جدا في النتايج ، بسبب اننا بنزود سعرات محدوده جدا لا تتعدي ٣٠٠ كالوري في اليوم ،
لكن لو انتي الجسم اللي بيزيد دهون بسهوله ،
انصحك تعملي كلين بالك لانه برغم ان النتايج هتكون بطيئه جسمك مش هيزيد دهون بالشكل المزعج .
-
من الاخر
لو جسمك نحيف جدا اعملي بالك وزودي سعراتك اليوميه من ٥٠٠ لالف سعر حراري .
لكن لو جسمك بيزيد دهون او فيه اصلا نسبة دهون ظاهره في البطن والاجناب ،
ف اعملي كلين بالك وزودي ٣٠٠ سعر في اليوم
- وخلي بالك طويل وماتستعجليش ع النتيجه .