في خبر قريته من كام يوم لفت نظري جداً\ معرفتش أشوفه وأعديه كدا عادي\ في عالمة إماراتية قالت إنها هتعيد برمجة جيناتها عشان تعيش لـ150 سنة\ أنا كأنا انبسط\ وقلت بس هعيد برمجتي أنا كمان\ وأعيش لحد ما أبقى من الدفعة الأولى من سكان المريخ\ وأخيراً العلم أتقدم وهنرتاح من الوصفات والماسكات والبوتكس والفيلر\ قلت أشوف الحكاية إيه\ لقيت الموضوع كبير\ الـ ... ما تيجوا نشوف
كل حاجة في الدنيا لازم يتعملها ابديت أو إعادة برمجة، موبايلك، لاب توبك، شخصيتك، دماغك، حتى جيناتك\ بذمتك كام مره كنت بتتهم جيناتك إنها المسؤولة عن كل مشاكلك\ وانتي كام مرة قولتي أنا طالعة تخينة بالوراثة زي عمتي\ من غير ما تعرف ولا تعرفي إنك ممكن تتحكم في جيناتك اللي ورثتها\ ودي مش اشتغالة على فكرة\ دا علم جديد نسبياً\ اسمه علم ما فوق الجينات أو Epigenetics \ وهو علم موازي لعلم الجينات بس دقيق أكتر\
علم ما فوق الجينات دا ظهر لما العلماء بدأوا يدرسوا جينات التوأم المتطابقة\ واللي بيكونوا متطابقين في الحمض النووي والجينات بنسبة 99.9%\ وبعد ما لاحظوا إن في أمراض وأعراض مختلفة بتظهر عليهم\ وكمان سلوكيات مختلفة\ فقالوا يدرسوا الموضوع ويشوفوا ايه الأسباب التانية ورا الأمراض بعيداً عن الجينات\ واكتشفوا اكتشاف مهم جداً\ وهو إن العوامل الخارجية ليها دور كبير جداً في ظهور الأمراض غير الجينات\ زي نمط الحياة أو اللايف ستايل بتاع كل شخص\ يعني لو افترضنا إن عندنا أخين توأم متطابقين\ بس واحد فيهم بياكل أكل صحي ومش بيدخن وبيلعب رياضة والتاني العكس\ وسبناهم 40 أو 50 سنة\ طبعاً الشخص اللي مش هيلثي اللي مقضيها تدخين على جانك فوود وبيتعرض لملوثات أكتر\ هيكون عرضه للأمراض أكتر من اخوه\ وغالباً بعد ال50 سنة دول هتلاقيه قاعد في البيت جنب الدفاية بيقرا الجرنان وجنبه علبة الدوا اللي فيها فيها حباية الضغط على حباية القلب\ التاني بقا هاتلاقيه بيلهو ويمرح ويفرح ويطرح وكل اللي أنت عايزه\ طب ازاي مش هما نفس الجينات الوراثية؟؟
طب خلونا نتعمق في الموضوع شوية كمان\ الجينات هي أجزاء صغيرة من الحمض النووي\ DNAاللي هو شفرة جسمك\ الجينات في جسمنا مقسومة نصين\ جينات ثابتة متقدرش تتحكم فيها وكأنها مكتوبة بالحبر الجاف يعني ماببتمسحش\ زي لون عينك، جلدك، شعرك، طولك \تقل دمك\ وجينات متغيرة تقدر تتحكم فيها كأنها مكتوبة بقلم رصاص\ ودي ممكن تحصل عليها بطريقتين\ إما عن طريق إدخال مركبات معينة لجسمك زي المعادن والفيتامينات عن طريق الأكل مثلاً\ أو نمط حياتك زي ممارسة الرياضة وعدم التدخين وعدم التعرض لملوثات والنوم وقت كافي\ لو حابب بقا تفتح على نفسك بوابة الأمراض\ انسى كل اللي فات\ يعني أياك والأكل الصحي، زود التدخين على أد ماتقدر، وحذاااري من الرياضة.
علم ما فوق الجينات عامل زي مفتاح الـ ON و OF\بيديلك الفرصة إنك تتحايل على الأمراض الوراثية\ يعني مثلاً لو افترضنا إن في شخص عنده الطفرة الجينية لمرض السرطان\ لكن ماتعرضش للعوامل البيئية زي الضغط النفسي أو نمط حياة غير الصحي\ مفتاح السرطان عنده هيفضل على وضع off ومش هيشتغل\ وممكن الشخص ده يعيش عمر طويل ويتوفى وفاة طبيعية بدون السرطان\ والعكس صحيح
طيب لو كنا نقدر نتحكم في الجينات اللي بتسبب الأمراض.. معنى كده نقدر بقا نتحكم في العمر واخيتار السنين اللي هنعيشها؟
هنا بقا نرجع بقا لعالمة الجينات الإماراتية مريم مطر اللي حكتلكوا عنها في الأول\ إزاي عملت ابديت لجيناتها يخليها تعيش 150 سنة؟\ في حوار عملته شبكة CNN الإخبارية معاها\ قالت فيه إنها مخضعتش لعملية جراحية يعني عشان تعيش 150 سنة\ لكنها خضعت لمدة 5 سنين لتغير في نمط حياتها\ زي طريقة أكلها ومواعيد نومها وممارسة الرياضة والتأمل زي اليوجا عشان تزيد من جودة جيناتها\ وطبعاً هي بتتكلم عن كفائة الخلايا الداخلية ومش شكلها الخارجي\ أو إنها تظهر بعمر أصغر\ وبالتالي هي بتقصد العمر البيولوجي مش الزمني
بالنهاية نمط الحياة الصحي هو المفتاح اللي بتعمل منه ريستارت أو إعادة برمجة جينات جسمك.. أقعدوا بالعافية


للمزيد من الفيديوهات تابعونا على موقعنا الرسمي: https://www.mohtawa.ae


تابعونا على:
ـــــــــــــــــــــــــــــــــــــــــــــــ
Official Website| https://www.mohtawa.ae
Facebook| https://www.facebook.com/mohtawaae
Twitter| https://twitter.com/mohtawaae
Instagram| https://www.instagram.com/mohtawaae
محتوى منصة تهتم بالشباب العربي المعرفي من مواضيع تشمل "علوم - ثقافة - اجتماع - فضاء - تاريخ - طب - صحة - لايف ستايل - فن - رياضة - أخبار - سياسة - برامج