حرق الدهون - خرافة الميزان - الوصول للجسم الكيرفي

من اكبر الخرافات المنتشره في مجال الرياضه وفي حياتنا عامة هي خرافة الميزان
- وبقول خرافه لان فيها ناس كتيره جدا بتاخد الوزن كمقياس لجمال الجسم
- الحقيقه ان موضوع وزنك هو مش مقياس ابدا لمدي جمال جسمك من عدمه
بدليل انك ممكن تلاقي بنت طولها بنفس طولك ومع ان وزنها اعلي منك بكتير ولكن جسمها اجمل
وماعندهاش بطن ومافيش دهون في الاجناب وفي نفس الوقت جسمها كيرفي وشكلها جذاب
- فخلونا نتفق علي قاعدة ان الميزان مجرد رقم بيعرفك انتي جسمك ماشي في انهو اتجاه من حيث الوزن فقط هل هو بيقل والا بيزيد
ولكنه مش دليل ابدا علي انك ماشيه صح حتي لو هدفك التخسيس وكل شهر بتخسي خمسه كيلو برضو مش دليل علي ان جسمك بيتظبط وبيحرق دهون
- ممكن جدا الخمسه كيلو اللي خستيهم يكونو عضل ودهون بنسبه متقاربه فتبقي بتبوظي جسمك مش بتظبطيه